Maharashtra Breaking News LIVE UPDATES : विधानसभा निवडणुकीच्या धर्तीवर नेतेमंडळीच्या प्रतिक्रिया आणि त्यांचे निर्णय या साऱ्याकडेच सर्वांचं लक्ष लागून राहिलं आहे. राज्याच्या राजकीय पटलावर नेमके कोणते बदल होतात आणि कोणता पक्ष या बदलांतून तरुन पुढे जातो यासंदर्भातील सर्व अपडेट्स एका क्लिकवर...
28 Oct 2024, 07:11 वाजता
स्नेहल जगताप भरणार उमेदवारी अर्ज
रायगडच्या महाडमधील ठाकरेंच्या पक्षाच्या उमेदवार स्नेहल जगताप आज उमेदवारी अर्ज दाखल करणार आहे. आदित्य ठाकरे आणि शिवसेना नेते सुभाष देसाई यांच्या उपस्थितीत अर्ज भरणारेय. यावेळी छत्रपती शिवाजी महाराज चौकात रॅलीसह जाहीर सभेचं ही आयोजन करण्यात आलंय. तर स्नेहल जगताप या शिवसेनेचे आमदार भरत गोगावले यांच्या विरुद्ध लढणारे. त्यामुळे आदित्य ठाकरे आज गोगावलेंवर काय बोलणार, याकडे सर्वांचं लक्ष लागलंय..
28 Oct 2024, 07:11 वाजता
आज दिग्गज नेते उमेदवारी अर्ज भरणार
मुख्यमंत्री एकनाथ शिंदे आज कोपरी पाचपाखाडी विधानसभेसाठी उमेदवारी अर्ज भरणार आहेत. तर अजित पवार बारामतीमधून उमेदवारीचा अर्ज दाखल करणार आहे. मनसेकडून अमित ठाकरे दादर-माहिमसाठी उमेदवारी अर्ज दाखल करणार असून, राज ठाकरे यांच्या उपस्थितीत ते अर्ज भरणार आहे. तर विरोधी पक्षनेते विजय वडेट्टीवारही उमेदवारी अर्ज दाखल करणार आहेत. बारामतीतून युगेंद्र पवार उमेदवारी अर्ज भरणार आहे तर सदा सरवणकरही उमेदवारी अर्ज भरणार आहे.
- ‹ previous
- 1
- 2
- 3
- 4
