25 Dec 2023, 12:10 वाजता
मविआ लोकसभेच्या 40+ जागा जिंकेल-राऊत
Sanjay Raut & Vijay Wadettiwar : मविआ लोकसभेच्या 40+ जागा जिंकेल असा दावा संजय राऊतांनी केलाय...भाजप हा दोन कुबड्यांवर चालणारा हवेतला पक्ष, ते काहीही सांगतील...मात्र, मविआ 40 प्लस जागा जिंकेल असा विश्वास राऊतांनी व्यक्त केलाय...तर बेईमानी झाली नाही तर सर्वेप्रमाणे निकाल येईल...दुस-याचं घर फोडणं महायुतीला भोगावं लागेल असंवडेट्टीवारांनी म्हटलंय...
बातमीचा व्हिडीओ पाहा -
25 Dec 2023, 12:08 वाजता
मनोज जरांगेंचा 20 जानेवारीला 'चलो मुंबई'चा नारा
Manoj Jarange : मराठा आरक्षणासाठी सुरू असलेलं साखळी उपोषण स्थगित करा आणि मुंबईला जाण्याची तयारी करा असं आवाहन मनोज जरांगेंनी केलंय...मराठा आरक्षणासाठी राज्यभरात साखळी उपोषण सुरू आहे...आता 20 जानेवारीला मराठा मुंबईकडे निघणार आहे...त्यामुळे जरांगेंनी आता चलो मुंबईचा नारा देत करोडोच्या संख्येनं मराठ्यांनी मुंबईकडे चला...ट्रक, ट्रॅक्टर, जे असेल ते घेऊन मुंबईकडे चला असं आवाहन जरांगेंनी केलंय...
बातमीचा व्हिडीओ पाहा -
25 Dec 2023, 12:06 वाजता
उपमुख्यमंत्री अजित पवारांची अमोल कोल्हे आणि रोहित पवारांवर टोलेबाजी
Ajit Pawar On Rohit Pawar & Amol Kolhe : उपमुख्यमंत्री अजित पवारांनी आज शरद पवार गटाचे खासदार अमोल कोल्हे आणि आमदार रोहित पवारांवर हल्लाबोल केला... निवडणुका जवळ आल्यामुळे संघर्षयात्रा आणि पदयात्रा सुचतात असा निशाणा अजित पवारांनी लगावलाय. रोहित पवारांच्या संघर्षयात्रेवर अजित पवारांनी पहिल्यांदाच जाहिररित्या टीका केलीय..
बातमीचा व्हिडीओ पाहा -
25 Dec 2023, 11:42 वाजता
संगमनेरमध्ये राधाकृष्ण विखे-पाटलांची फटकेबाजी
Radhakrishna Vikhe Patil : काँग्रेस नेते बाळासाहेब थोरातांच्या होम पिचवर विखे पाटलांची तुफान फटकेबाजी केलीय...संगमनेर तालुक्याला चांगल्या बॅट्समनची गरज आहे...कोणताही बॉल आला तरी तो मारता आला पाहिजे...फिल्डींग कशी लावायची ते माझ्यावर सोपवा अशी फटकेबाजी विखेंनी केलीय...क्रिकेट स्पर्धेच्या पारितोषिक वितरण सोहळ्यात विखे पाटील बोलत होते...यावेळी त्यांनी ठाकरे गटाच्या माजी तालुकाध्यक्षाला भाजप प्रवेशाची अप्रत्यक्ष ऑफरही दिली...
बातमीचा व्हिडीओ पाहा -
25 Dec 2023, 11:25 वाजता
पुणे जिल्ह्यातील 16 शाळा बंद होणार
Pune School : पुणे जिल्ह्यातील 16 शाळा बंद होणार आहेत...शैक्षणिक वर्ष 2023-24 मध्ये एकाही विद्यार्थ्यांचा प्रवेश न झाल्याने या शाळा बंद करण्याचा निर्णय शिक्षण विभागाने घेतलाय...बंद होणा-या शाळा दौंड, हवेली, मुळशी, शिरूर, वेल्हे या तालुक्यांसह औंध, बिबवेवाडी, हडपसर, पिंपरी, आकुर्डी येथील शून्य पटांच्या 16 शाळा आहेत...या शाळांची नावं यु-डायस पोर्टलवरून हटविण्याच्या सूचना शिक्षण अधिकाऱ्यांनी दिल्यायत...
बातमीचा व्हिडीओ पाहा -
25 Dec 2023, 10:23 वाजता
वंचित लोकसभा स्वबळावर लढणार?
Prakash Ambedkar : लोकसभा निवडणूक लढण्याबाबत वंचित बहुजन आघाडीचे अध्यक्ष प्रकाश आंबेडकर यांनी मोठं विधान केलंय...विरोधक निवडणुकीत एकत्र येतील अशी परिस्थिती वाटत नाही...मात्र, एकत्र येणार नसतील तर आपण 48 जागा ताकदीने लढवू असं वक्तव्य प्रकाश आंबेडकरांनी केलंय...वंचित बहुजन आघाडी मविआतून लढणार असल्याची चर्चा सुरू आहे...मात्र, आंबेडकरांनी केलेल्या विधानामुळे स्वबळावर लढणार असल्याची चिन्ह दिसतायत...
बातमीचा व्हिडीओ पाहा -
25 Dec 2023, 09:54 वाजता
2 डॉक्टरांवर निलंबनाची कारवाई
Kalwa 2 Doctor Suspend : कळव्यातील रुग्णांच्या मृत्यूप्रकरणी दोन डॉक्टरांवर निलंबनाची कारवाई करण्यात आलीय. डॉ. दीपा बंजन आणि डॉ. महेश मोरे अशी निलंबित करण्यात आलेल्या डॉक्टरांची नावं आहेत. कर्तव्यात हलगर्जीपणा केल्याबद्दल कारवाईचा बडगा उचलण्यात आलाय. आरोग्य विभागाच्या अहवालानुसार त्यांना कारणे दाखवा नोटीस बजावण्यात आलीय.
बातमीचा व्हिडीओ पाहा -
25 Dec 2023, 09:49 वाजता
कोरोना रुग्णसंख्येत वाढ सुरुच
Corona Update : देशात कोरोना रुग्णसंख्येत वाढ सुरुच आहे.. गेल्या 24 तासांत 628 नव्या कोरोना रुग्णांची नोंद झालीय.. तर केरळमध्ये एकाचा कोरोनामुळे मृत्यू झालाय. राज्यात गेल्या 24 तासांत 50 नवे रुग्ण आढळले आहेत.. तर केरळमध्ये 128 आणि कर्नाटकमध्ये 73 नव्या कोरोना रुग्णांची नोंद करण्यात आलीय.. कोरोना रुग्णसंख्या वाढत असल्याने सरकारने काळजी घेण्याचं आवाहन केलंय.. नववर्षाचं स्वागत करताना तसंच गर्दीतही जाताना मास्क लावण्याचं आवाहन सरकारने केलंय.
बातमीचा व्हिडीओ पाहा -
25 Dec 2023, 09:46 वाजता
ठाण्यात कोरोनाच्या JN.1 व्हेरियंटचे 5 रुग्ण
Thane Corona : ठाण्यामध्ये कोरोनाच्या जेएन वन व्हेरियंटचे पाच रुग्ण सापडलेत. त्यात एक महिला आणि चार पुरुषांचा समावेश आहे. ठाण्यात सध्या कोरोनाचे 28 रुग्ण आहेत. दोघांवर रुग्णालयात उपचार सुरुयत.
बातमीचा व्हिडीओ पाहा -
25 Dec 2023, 08:44 वाजता
मध्य रेल्वेने बसवली धुके सुरक्षा यंत्रणा
Central Railway : रेल्वे प्रवाशांसाठी मोठी बातमी... आता हिवाळ्यात दाट धुकं असलं तरी रेल्वे गाड्यांना उशीर होणार नाही.. कारण मध्य रेल्वेने धुक्याची अडचण दूर करण्यासाठी धुके सुरक्षा यंत्रणा बसवलीय.. मुंबई, पुणे, भुसावळ, नागपूर तसंच सोलापूर विभागांसाठी मिळून एकूण 500 धुके सुरक्षा यंत्रांची खरेदी करण्यात आलीय.. या यंत्रणेमुळे धुक्यामुळे दृश्यमानता कमी असली तर रेल्वे चालकांना सिग्नलबाबत सर्व माहिती मिळणार आहे. धुके सुरक्षा यंत्रणा जीपीएस तंत्रज्ञानावर चालते. त्यामुळे रेल्वे चालकांना आगामी तीन सिग्नल्सबाबत ऑडिओ आणि व्हिडिओद्वारे आगाऊ सूचना मिळते.
बातमीचा व्हिडीओ पाहा -
