18 Dec 2024, 12:31 वाजता
सुहास कांदेंचा छगन भुजबळांवर हल्लाबोल
Suhas Kande On Chhagan Bhujbal : शिवसेनेच्या सुहास कांदेंनी छगन भुजबळांवर जोरदार हल्लाबोल केला. भुजबळांना गद्दारीचं फळ मिळालं...विधानसभा निवडणुकीत त्यांनी महायुतीचं काम केले नव्हतं.त्यांच्या तक्रारीही मी केल्या होत्या. भुजबळ खरे असतील, त्यांच्यात हिंमत असेल तर त्यांनी पक्षाचा आणि पदाचा राजीनामा द्यावा...असं आव्हान कांदेंनी भुजबळांना केलंय
18 Dec 2024, 12:23 वाजता
राम शिंदे विधानपरिषदेचे सभापती होणार
Ram Shinde : राम शिंदे हे विधान परिषदेचे सभापती होणार हे निश्चित झालंय.. विधानपरिषद सभापती पदासाठी अर्ज दाखल करण्याची मुदत संपलीये.. भाजपकडून राम शिंदे यांनी अर्ज दाखल केलाय. एकच अर्ज दाखल झाल्यामुळे निवडणूक बिनविरोध होणार हे जवळपास निश्चित झालंय... झी 24 तासनं विधान परिषद निवडणूक बिनविरोध होणार असल्याचं सांगितलं होतं. त्यामुळे झी 24 तासच्या बातमीवर शिक्कामोर्तब झालाय..
18 Dec 2024, 12:05 वाजता
आर. अश्विनची आंतरराष्ट्रीय क्रिकेटमधून निवृत्ती
Ravichandran Ashwin Retires From International Cricket : ऑस्ट्रेलियाविरुद्ध टीम इंडिया यांच्यातील तिसऱ्या कसोटी सामन्यानंतर अनुभवी आणि दिग्गज खेळाडू आर अश्विन याने आंतरराष्ट्रीय क्रिकेटमधून तडकाफडकी निवृत्ती जाहीर केली आहे. अश्विनने मालिकेदरम्यान एकाएकी घेतलेल्या या निर्णयामुळे टीम इंडियाला आणि क्रिकेट चाहत्यांना मोठा झटका लागला आहे. आर अश्विननं 106 टेस्टमध्ये 537 विकेट्स घेतल्यात.. टेस्टमध्ये तब्बल 37 वेळा 5 विकेट्स तर 8 वेळा 10 विकेट्स घेण्याची किमयाही त्यानं साधलीये..
बातमीचा व्हिडीओ पाहा -
18 Dec 2024, 11:49 वाजता
भुजबळांची नाराजी दूर करू - सुनील तटकरे
Sunil Tatkare On Chhagan Bhujbal : छगन भुजबळांची भेट घेणार असल्याचं सुनील तटकरेंनी सांगितलं...योग्य वेळ आल्यानंतर भेट घेऊ, भुजबळांशी बोलून त्यांची नाराजी दूर करू अशी प्रतिक्रिया सुनील तटकरेंनी दिलीय .. तर छगन भुजबळांनी तटकरेंच्या विधानावर सावध भूमिका घेतलीय..
बातमीचा व्हिडीओ पाहा -
18 Dec 2024, 11:33 वाजता
छगन भुजबळांनी नवा पक्ष काढण्याची कार्यकर्त्यांची मागणी
Chhagan Bhujbal : छगन भुजबळांनी नवा पक्ष काढावा, अशी मागणी संघर्ष सभेसाठी आलेल्या भुजबळ समर्थकांनी केलीय. भुजबळांना मंत्रिपद नाकारल्यानं हे कार्यकर्ते आक्रमक झालेत.
18 Dec 2024, 10:16 वाजता
'लापता लेडिज'ची ऑस्करवारी हुकली
Lapata Ladies : लापता लेडज हा चित्रपट ऑस्करच्या शर्यतीमधून बाहेर पडलाय.. किरण राव यांनी दिग्दर्शित केलेल्या या चित्रपटाला भारतात प्रेक्षकांचं आणि समीक्षकांचं भरपूर प्रेम मिळालं होतं.. त्यामुळे भारताकडून हा चित्रपट ऑस्करसाठी अधिकृत एंट्री म्हणून पाठवला होता. मात्र, हा चित्रपट ऑस्करच्या शर्यतीतून बाद झालाय.. अकादमी ऑफ मोशन पिक्चर आर्ट्स अँड सायन्सेसने बुधवारी याबाबत घोषणा केली. त्यामुळे भारताला ‘लापता लेडीज’साठी ऑस्कर मिळण्याची आशा संपली आहे.. दरम्यान ‘लापता लेडीज’ ऑस्करच्या शर्यतीतून बाहेर पडला असला तरी गुनीत मोंगा कपूर निर्मित लाइव्ह अॅक्शन शॉर्ट फिल्म ‘अनुजा’ शॉर्टलिस्ट झाली आहे. ही शॉर्ट फिल्म वस्त्रोद्योगातील बालमजुरीच्या समस्येवर भाष्य करते
18 Dec 2024, 09:44 वाजता
राज्यात थंडीची लाट
State Temprature : राज्यात थंडीची लाट आहे..धुळे जिल्ह्यात सर्वात कमी तापमानाची नोंद झालीय..धुळ्याचं तापमान 5 अंशांवर गेलंय.. तर लातूर जिल्ह्यातील औराद शहाजनी परिसरातील तापमान 6 अंशांवर आहे.. परभणी शहराचा पाराही 6 अंशांजवळ आहे..नाशिक जिल्ह्यातील ओझरचं तामपान 6.3 अंशांवर गेलंय.. तर निफाडचा पाराही 7.4 अंशांवर गेलाय.. बदलापूरचं तापमान 14 अंशांवर आहे.. मुंबई आणि इतर शहरांचा तापमानाचा पाराही घसरलाय..
18 Dec 2024, 08:47 वाजता
पुण्यात भुजबळ समर्थक-राष्ट्रवादीत वादाची शक्यता
Pune : पुण्यात भुजबळ समर्थक आणि राष्ट्रवादीमध्ये वाद होण्याची शक्यताय. भुजबळ समर्थकांनी अजित पवारांच्याविरोधात जोडे मारो आंदोलन केल्यानंतर पुण्यातील राष्ट्रवादी नेते आक्रमक झालेत. जशास तसे उत्तर देण्याची आमची तयारी असल्याचं राष्ट्रवादी नेत्यांचं म्हणणं आहे. ज्या भुजबळांना आतापर्यंत अनेकदा मंत्रिपदाची संधी ही अजित पवारांमुळे मिळाली प्रत्येक वेळी भुजबळांसोबत अजितदादा खंबीरपणे उभे राहिलेत. हे सगळं विसरून दादांविरोधात भुजबळ समर्थक भूमिका मांडत असतील तर जशास तसे उत्तर आम्हीही देऊ शकतो असा इशारा राष्ट्रवादी शहराध्यक्ष दीपक मानकर यांनी दिला आहे .
18 Dec 2024, 08:22 वाजता
संत्र्याच्या दराने गाठली शंभरी
Orange Fruit Price : सध्या बाजारपेठेत सगळीकडे 'संत्राराज' सुरू आहे. 'सी' व्हिटॅमिन युक्त असलेल्या संत्र्याची मागणी किरकोळ बाजारात वाढली असून, घाऊक बाजारात दरदिवशी २६० ते २७० टन संत्र्यांची आवक होते... बाजारात १०० रुपये किलोने संत्र मिळतायत. ३० ते ६० रुपये किलो घाऊक दर असून, किरकोळ मार्केटमध्ये ६० ते १०० रुपयांपर्यंत संत्र्यांची विक्री होते. पुढील काही दिवसांत मागणी आणखी वाढेल, अशी माहिती व्यापाऱ्यांनी दिली. हिवाळ्यात संत्र्याला जास्त मागणी आहे.
बातमीचा व्हिडीओ पाहा -
18 Dec 2024, 07:39 वाजता
राज्यातील अनेक भागात थंडीची लाट
State Cold : महाराष्ट्रातील अनेक भागात थंडीची लाट आहे... मात्र पुढील 10 दिवसात तापमानात काहीशी वाढ होण्याची शक्यता हवामान विभागानं वर्तवलीये.. त्यामुळे या वर्षी ख्रिसमसचा सण थंडीशिवाय साजरा होण्याची शक्यता आहे.. मात्र 29डिसेंबरपासून थंडीचा कडाका पुन्हा वाढून वर्षाअखेरीस पुन्हा थंडिचा कडाका वाढेल असा अंदाज हवामान खात्यानं वर्तवलाय.
