Maharashtra Breaking News LIVE : दिवसभरातील महत्त्वाच्या घडामोडी, ब्रेकिंग न्यूज एका क्लिकवर

7 Nov 2024, 22:15 वाजता

वरळीतील कोळीवाड्यांवर प्रत्येक बिल्डरांचं लक्ष -राज ठाकरे

Raj Thackeray : वरळीतील कोळीवाड्यांवर प्रत्येक बिल्डरांचं लक्ष असल्याचा आरोप मनसे प्रमुख राज ठाकरेंनी केलाय.. तर कोळी बांधव हे मुंबईचे मालक आहेत..त्यामुळे तुमचा शत्रू समुद्रातून नाही, जमिनीवरून येणार, याकडे कोळी बांधवांनी लक्ष ठेवण्याची गरज असल्याचंही त्यांनी म्हटलंय.. ते वरळी विधानसभा मतदारसंघातील मनसे उमेदवार संदीप देशपांडे यांच्या प्रचार सभेत बोलत होते...

बातमीचा व्हिडीओ पाहा-

7 Nov 2024, 21:45 वाजता

नांदेडमध्ये ओबीसी नेते लक्ष्मण हाकेंची गाडी फोडली

Laxman Hake : नांदेडमध्ये ओबीसी नेते लक्ष्मण हाकेंची गाडी फोडली...  कंधार तालुक्यातील बचोटीमधील घटना...गाडी अडवून मराठा आंदोलकांची घोषणाबाजी....चंद्रसेन पाटलांच्या प्रचारासाठी हाके नांदेडमध्ये 

7 Nov 2024, 20:09 वाजता

मुख्यमंत्री​ शिंदे निवडणूक लढवणार नव्हते- नरेश  म्हस्के

Naresh Mhaske on CM Shinde : मुख्यमंत्री एकनाथ शिंदे निवडणूक लढवणार नव्हते, असा गौप्यस्फोट खासदार नरेश म्हस्केंनी केलाय. इतर उमेदवारांच्या प्रचारासाठी वेळ देण्यासाठी ते निवडणुकीला सामोरे जाणार नव्हेत. मात्र, त्यांना विनंती केली आणि कार्यकर्त्यांच्या विनंतीवरून मुख्यमंत्री शिंदेंनी कोपरी-पाचपाखाडी मतदारसंघातून अर्ज भरल्याचं म्हस्के म्हणालेत.. 

बातमीचा व्हिडीओ पाहा-

7 Nov 2024, 19:30 वाजता

'माझ्या लफड्यात पडू नका, नादी लागू नका', जरांगेंचा राज ठाकरेंना इशारा

Manoj Jarange Patil on Raj Thackeray : तुम्ही माझ्या लफड्यात पडू नका आणि माझ्या नादी लागू नका असं म्हणत मनोज जरांगे यांनी राज ठाकरेंना इशारा दिलाय.. उपोषणावेळी आरक्षण मिळू शकत नाही असं जरांगे यांची भेट घेऊन राज ठाकरेंनी सांगितलं होतं असं जाहीर भाषणात राज ठाकरेंनी उल्लेख केला होता.. त्यावर जरांगे यांनी राज ठाकरेंचा चांगलाच समाचार घेतलाय. 

7 Nov 2024, 18:02 वाजता

भाजपची हवा काढण्याची वेळ आली- उद्धव ठाकरे

Uddhav Thackeray on BJP : भाजपला आमदार दिले, खासदार दिले वरची सत्ता दिली, खालची सत्ता दिली, त्यांच्या डोक्यात हवा गेली आता ही हवा काढायची वेळ आल्याचं उद्धव ठाकरे म्हणालेत..अमरावतीतील महाविकास आघाडीच्या उमेदवाराच्या प्रचारसभेत ते बोलत होते..

बातमीचा व्हिडीओ पाहा-

7 Nov 2024, 17:14 वाजता

ठाकरे बंधूंमध्ये शिवाजी पार्कसाठी चढाओढ

Maharashtra Politics : 17 नोव्हेंबरला प्राचरसभेसाठी शिवाजी पार्क (Shivaji Park)  मिळण्यासाठी ठाकरे बंधुंमध्ये चुरस...शिवसेना उद्धव बाळासाहेब ठाकरे पक्ष आणि महाराष्ट्र नवनिर्माण सेना 17 नोव्हेंबरच्या शेवटच्या प्रचारसभेसाठी शिवाजी पार्क मैदान मिळण्यासाठी आग्रही...18 नोव्हेंबरला दुपारनंतर प्रचार बंद होत असल्याने 17 नोव्हेंबरला रात्री होणारी शेवटची प्रचार सभा असणारे...17 नोव्हेंबर बाळासाहेब ठाकरेंचा स्मृतीदिन असल्याने इतर कोणत्याही पक्षाला शिवाजी पार्क येथे सभा घेण्यास परवानगी दिल्यास संघर्ष उद्भवण्याची शक्यता असल्याचं शिवसेना उद्धव बाळासाहेब पक्षानं म्हटलंय...यासंदर्भात त्यांनी निवडणूक आयोगाला पत्रही पाठवलंय...

बातमीचा व्हिडीओ पाहा-

7 Nov 2024, 16:21 वाजता

वरळीमध्ये शिवसेनेला मोठा धक्का 

Worli Shivsena UBT : ऐन विधानसभा निवडणुकीच्या धामधुमीत शिवसेनेला वरळीमध्ये मोठा धक्का बसलाय...शिवसेनेच्या वरळीतील पदाधिका-यांनी शिवसेना उद्धव बाळासाहेब ठाकरे पक्षात प्रवेश केलाय...

बातमीचा व्हिडीओ पाहा-

7 Nov 2024, 15:10 वाजता

निकालानंतर राजकीय समीकरणं बदलू शकतात- वळसे पाटील

Dilip Walse Patil : निवडणूक निकालानंतर राजकीय समीकरणं बदलू शकतात, असं मोठं विधान सहकार मंत्री दिलीप वळसे पाटलांनी केलंय. प्रत्येक पक्षाचे किती उमेदवार निवडून येतात हे महत्वाचं आहे आणि त्यानंतर खरं गणित जुळवले जातील. जर सरकार आलं नाही तर सरकार स्थापन करण्यासाठी काहींना गणितं जुळवावी लागतील. निवडणुकीच्या रिंगणात 6 पक्ष आहेत. त्यामुळे गणितं जुळवायला भरपूर वाव असल्याचं वळसे पाटील म्हणाले.

बातमीचा व्हिडीओ पाहा-

7 Nov 2024, 14:11 वाजता

शिवसेना UBT पक्षाचा वचननामा लबाडाघरचं जेवण - आशिष शेलार

Ashish Shelar On Uddhav Thackeray : उद्धव बाळासाहेब ठाकरे पक्षाचा वचननामा म्हणजे लबाडा घरचं जेवण, असा टोला आशिष शेलारांनी उद्धव ठाकरेंना लगावलाय. ठाकरेंनी 24 तासात स्वतःचं वेगळेपण दाखवण्यासाठी स्वतःचा वचननामा प्रकाशित केला. धारावी पुनर्विकासाबाबत तुमचं मत सुस्पष्ट आहे तर ते महाविकास आघाडीच्या पंचसूत्री जाहीरनाम्यात का नाही? असा सवाल शेलारांनी उद्धव ठाकरेंना विचारलाय. पुनर्विकासाबाबत उद्धव ठाकरे वैयक्तिक मत मांडत आहेत का? असंही शेलार म्हणालेत.

बातमीचा व्हिडीओ पाहा - 

7 Nov 2024, 13:53 वाजता

EVM हॅक करुन जिंकून देण्याचं आमिष देणारा गजाआड

Nashik : EVM हॅक करुन वसंत गीतेंना जिंकून देणा-या आरोपीला नाशिकमध्ये अटक करण्यात आलीये... भगवानसिंग चव्हाण असं या आरोपीचं नाव आहे.. पमहाविकास आघाडीचे उमेदवार वसंत गीते यांच्या कार्यालयातील कर्मचा-याला चव्हाण यानं EVMहॅक करुन गीतेंना जिंकून देण्याचं आमिष दाखवलं होतं..  त्याबदल्यात 42 लाख रुपयांची मागणी केली होती.. यातील 5 लाख रुपये तात्काळ द्या उरलेले नंतर द्या अशी बतावणी केली होती.. प्रोग्रामिंगवाले ओळखीचे आहेत.. त्यामुळे पैसे न दिल्यास गीतेंना पराभूत करण्याचीही धमकी या आरोपीनं दिली... पोलिसांनी चार तासातच या आरोपीला अटक केली.. चव्हाण हा मुळचा राजस्थानचा असून गेल्या 15 दिवसांपासून म्हसरूळमध्ये एका मार्बलच्या दुकानात काम करत होता.. 

बातमीचा व्हिडीओ पाहा -