Maharashtra Breaking News LIVE : राज्यात बदलापूर अत्याचार प्रकरणावरुन संताप व्यक्त केला जात आहे. त्यामुळं राजकीय घडामोडींनाही वेग आला आहे. त्याचच ऑगस्ट महिन्याच्या सुरुवातीला दडी मारून बसलेला पाऊस आता पुन्हा सक्रीय झाला आहे. आज अनेक जिल्ह्यात पावसामुळं पूरस्थिती निर्माण झाली आहे.
25 Aug 2024, 14:21 वाजता
Maharashtra Breaking News LIVE : 2029 ला देशाचा कारभार महिलांना देण्याचं ठरवलंय: फडणवीस
जळगावच्या महिलांनी संख्येचे सगळे रेकॉर्ड तोडले आहेत. संधी दिली तर महिलांनी काम केले. देशाला विकसित करायचे असेल तर महिलांची साथ महत्वाची. 2029 ला देशाचा कारभार महिलांना देण्याचे ठरविले आहे. वेगवेगळ्या योजना आणून भारत विकसित करायचा आणि त्यात महिलांचा सहभाग महत्वाचा . 75 लाख कुटुंब बचत गटाशी जोडलर आहे ते 2 कोटींवर जाणार आहे. महिला कधीही पैसे बुडवत नाही, त्यामुळे त्यांना पैसे द्यायला बँका तयार.
25 Aug 2024, 14:21 वाजता
Maharashtra Breaking News LIVE : पंतप्रधान मोदींची मराठीतून भाषणाला सुरुवात
महाराष्ट्रातील माझ्या बंधू भगिनींना जय श्री कृष्णा, उद्या श्रीकृष्ण जयंती आहे तुम्हाला आजच शुभेच्छा देतो., असं म्हणत मोदींनी मराठीतून भाषणाला केली सुरुवात
25 Aug 2024, 12:59 वाजता
Maharashtra Breaking News LIVE : महाराष्ट्राने नेहमीच महिलांना सक्षम केलं आहेः अजित पवार
25 Aug 2024, 12:46 वाजता
Maharashtra Breaking News LIVE : जळगावात लखपती दीदी कार्यक्रमाला सुरुवात, शिवरायांची प्रतिमा देऊन मोदींचे स्वागत
25 Aug 2024, 12:12 वाजता
Maharashtra Breaking News LIVE : पंतप्रधान मोदी लखपती दीदींशी संवाद साधणार; जळगावात सभास्थानी आगमन
25 Aug 2024, 12:07 वाजता
Maharashtra Breaking News LIVE : राज ठाकरे यांची वाशिम जिल्ह्यातील मनसे पदाधिकारासोबत बैठक सुरू
आगामी विधानसभा निवडणुकीच्या दृष्टीने वाशिम जिल्ह्यातील कारंजा , वाशिम रिसोड विधानसभा मतदारसंघातील पदाधिकाऱ्यासोबत राज ठाकरे यांची बैठक सुरू
25 Aug 2024, 11:38 वाजता
Maharashtra Breaking News LIVE : प्रशासनाकडून केंद्रीय राज्यमंत्री मुरलीधर मोहोळ यांच्या आदेशाला हरताळ
केंद्रीय राज्यमंत्री मुरलीधर मोहोळ यांनी तातडीने खड्डे दुरुस्ती करा. असे आदेश देऊनही प्रशासन त्याकडे डोळेझाक करीत आहे. पुणे शहर आणि परिसरातील खड्ड्यांमुळे नागरिकांचे कंबरडे मोडले आहे. प्रशासनावर वचक नसल्यामुळेच ही परिस्थिती ओढवली आहे,अशी खरमरीत टीका महाराष्ट्र प्रदेश युवक काँग्रेसचे सरचिटणीस रोहन सुरवसे पाटील यांनी केली आहे.
25 Aug 2024, 11:32 वाजता
Maharashtra Breaking News LIVE : अजित पवार गटाच्या आमदाराकडून लागले शरद पवारांच्या स्वागताचे बँनर
शरद पवार आणि अजित पवार हे विधानसभेपुर्वी एकत्र येऊ शकतात. असे सूतोवाच करणारे अजित पवार गटाचे आमदार अतुल बेनकेंनी आता थेट शरद पवारांच्या स्वागतासाठी फ्लेक्स झळकवले आहेत. आज जुन्नर विधानसभेत शरद पवार आलेत, त्यांचं स्वागत बेनकेंनी केलंय. इतकंच नव्हे तर नारायणगाव कृषी विज्ञान केंद्राची पाहणी करण्यासाठी शरद पवार पोहचले, तेंव्हा स्वतः बेनके तिथं हजर होते. बेनकेंनी गेल्या महिन्यात खासदार अमोल कोल्हेच्या घरात ही शरद पवारांची भेट घेतली होती. त्यावेळी राजकारणात काहीही घडू शकतं, पवार काका-पुतणे विधानसभेपुर्वी एकत्र येऊ शकतात. असे सूतोवाच बेनकेंनी दिले होते.
25 Aug 2024, 11:04 वाजता
Maharashtra Breaking News LIVE : महिला सुरक्षेवर मोदींनी एक शब्दही काढला नाहीः संजय राऊत
महाराष्ट्रात एक आंदोलन सुरू आहे महिलांच्या सुरक्षेला घेऊन या आमच्या बहिणी आहेत त्यांच्या सुरक्षेला घेऊन याबाबत प्रधानमंत्री यांनी अजून एकही शब्द काढला नाही. ज्या जळगावत प्रधानमंत्री आहेत त्यात जळगावत पंधरा दिवसात ४ जणांवर अत्याचार झाला कोणीतरी जाऊन सांगा प्रधानमंत्री यांना
25 Aug 2024, 10:21 वाजता
Maharashtra Breaking News LIVE : नाशिक जिल्ह्यात ऑगस्टमध्ये डेंग्यूचे 304 नवे रुग्ण आढळले
जानेवारी पासून आतापर्यंत नाशिकमध्ये 880 जण डेंग्यूने बाधित. मुसळधार पावसाने कीटकजन्य डेंग्यूचा फैलाव थांबेल अशी अपेक्षा ठरली फोल. डेंग्यूचे रुग्णांचे हे सरकारी आकडे असून खाजगी रुग्णालयात देखील अनेक रुग्ण असल्याने नागरिकांमध्ये भीती व्यक्त
