Maharashtra Breaking News LIVE : राज्यात बदलापूर अत्याचार प्रकरणावरुन संताप व्यक्त केला जात आहे. त्यामुळं राजकीय घडामोडींनाही वेग आला आहे. त्याचच ऑगस्ट महिन्याच्या सुरुवातीला दडी मारून बसलेला पाऊस आता पुन्हा सक्रीय झाला आहे. आज अनेक जिल्ह्यात पावसामुळं पूरस्थिती निर्माण झाली आहे.
25 Aug 2024, 09:48 वाजता
Maharashtra Breaking News LIVE : अमरावती नागपूर महामार्गावर शिवशाही बसला भीषण अपघात
अमरावती नागपूर महामार्गावर शिवशाही बसला भीषण अपघात झाला आहे. नागपूरवरून अकोला जाणारी बस पलटी झाली असून 25 पेक्षा अधिक प्रवाशी जखमी तर 1 प्रवाश्यांचा जागीच मृत्यू झाला आहे.
25 Aug 2024, 09:47 वाजता
Maharashtra Breaking News LIVE : नाना पटोले यांचा नवी मुंबई दौरा, प्रचाराचा नारळ फोडणार?
काँग्रेस प्रदेशाध्यक्ष नाना पटोले आज नवी मुंबई दौऱ्यावर येणार आहेत. नवी मुंबईतील ऐरोली विधानसभेवर काँग्रेसचे अनिकेत म्हात्रे यांनी दावा केला असल्याने नाना पटोले यांच्या दौऱ्याला अधिक महत्व प्राप्त झालेय. काँग्रेस नवी मुंबईत प्रचाराचा नारळ फोडत असल्याचे चित्रं पहायला मिळतंय
25 Aug 2024, 09:45 वाजता
Maharashtra Breaking News LIVE : राज्यात पाऊस पुन्हा सक्रीय; धरणे ८०% भरली
काही दिवसांच्या ब्रेकनंतर पावसाने शुक्रवारी रात्री आणि शनिवारी हजेरी लावत राज्यात ठिकठिकाणी बरसात केली. संपूर्ण कोकणसह मराठवाडा, पश्चिम महाराष्ट्र, खान्देशात पावसाचा जोर चांगला होता. धरणातील साठ्यांमध्ये वाढ झाली असून, धरणे ८० टक्के भरली आहेत.
25 Aug 2024, 09:44 वाजता
Maharashtra Breaking News LIVE : कोल्हापूर जिल्ह्याच्या पश्चिम भागात पावसाचा जोर वाढला
कोल्हापूर जिल्ह्याच्या पश्चिम भागात पावसाचा जोर वाढला आहे, त्यामुळे राधानगरी धरणाचा एक दरवाजा रात्री उघडला आहे. सहा नंबरचा दरवाजातून पाण्याचा विसर्ग सुरू झाला आहे. गेल्या पंधरा दिवसापासून पावसाने कोल्हापूर जिल्ह्यात देखील दडी मारली होती, पण आता मात्र हा पाऊस सर्वदूर सुरू झाला आहे.
25 Aug 2024, 09:42 वाजता
Maharashtra Breaking News LIVE : नंदूरबारमध्ये देवगोई घाटात वळण रस्त्यावर दरड कोसळली
नंदुरबार जिल्ह्यात सलगच्या पावसामुळे आता दरड कोसळाचे घटना समोर येत आहेत. सातपुडाच्या डोंगर रांगांमध्ये रस्त्यांवर दरड कोसळल्यामुळे वाहतूकिला अडचण निर्माण झालेली आहे.
25 Aug 2024, 09:41 वाजता
Maharashtra Breaking News LIVE : परभणी जिल्ह्यातील सात मंडळात अतिवृष्टी,पीक गेली पाण्याखाल
परभणी जिल्ह्यात मुसळधार सर्वदूर पाऊस झालाय, जिल्ह्यात सरासरी ४४ मिलिमीटर पावसाची नोंद झाली असली तरी यामध्ये जिल्ह्यातील सात मंडळामध्ये अतिवृष्टी झालीय, महातपुरी, बाभळगाव, सोनपेठ,शेळगाव, वडगाव,केकरजवळा आणि रामपुरी या सात मंडळात अतिवृष्टी झालीय
25 Aug 2024, 09:41 वाजता
Maharashtra Breaking News LIVE : जळगावात पंतप्रधान मोदींच्या दौऱ्याचा महाविकास आघाडीकडून विरोध
महाविकास आघाडीच्या वतीने आज पंतप्रधान नरेंद्र मोदी यांच्या दौऱ्याचा केला जाणार विरोध. तोंडाला काळ्या पट्ट्या बांधून मानवी साखळी बनवत केला जाणार विरोध. विरोधी पक्ष नेते अंबादास दानवे यांच्यासह महाविकास आघाडीचे शेकडो पदाधिकारी होणार सहभागी
25 Aug 2024, 09:01 वाजता
Maharashtra Breaking News LIVE : पुणे शहरात पावसाची विश्रांती
25 Aug 2024, 08:19 वाजता
Maharashtra Breaking News LIVE : पंतप्रधान मोदींचा आज जळगाव दौरा
पंतप्रधान मोदी जळगावात लखपती दीदी कार्यक्रमात उपस्थित राहणार आहेत. एनडीए सरकारच्या तिसऱ्या कार्यकाळात नुकतेच लखपती झालेल्या 11 लाख नवीन लखपती दीदींचा प्रमाणपत्र देऊन सत्कार करतील. पंतप्रधान देशभरातील लखपती दीदींशी संवाद साधणार आहेत.
25 Aug 2024, 08:16 वाजता
Maharashtra Breaking News LIVE : मनसे अध्यक्ष राज ठाकरे सोमवारी 26 ऑगस्ट रोजी बदलापूरमध्ये येणार
चिमुकल्या मुलीवरील अत्याचारा विरोधात आंदोलनात सहभागी झालेल्या बदलापूरकरांची राज ठाकरे भेट घेणार आहेत. बदलापूरकरांशी राज ठाकरे यावेळी संवाद साधतील
