Maharashtra Budget 2023 : शिंदे-फडणवीस सरकाराच पहिला अर्थसंकल्प अर्थमंत्री देवेंद्र फडणवीस सादर करत आहेत. सहा महिन्यांपूर्वी राज्यात एकनाथ शिंदे आणि देवेंद्र फडणवीस यांच्या नेतृत्वाखाली नवीन सरकार सत्तेत आलं. सत्तेत आल्यानंतर अनेक मोठे निर्णय सरकारकडून घेण्यात आले. त्यानंतर शिंदे-फडणवीस सरकारचा पहिला अर्थसंकल्प मांडला जात असून त्यामध्ये राज्याचे उपमुख्यमंत्री आणि अर्थमंत्री देवेंद्र फडणवीस यांनी राज्यातील शेतकरी आणि महिलांसाठी मोठ्या घोषणा केल्या आहेत.
9 Mar 2023, 07:55 वाजता
Maharashtra Budget 2023 : बुधवारी विधानसभेत सादर केलेल्या आर्थिक पाहणी अहवालातून राज्याच्या आर्थिक विकासदरात 6.8 टक्क्यांनी वाढ होण्याची शक्यता वर्तवण्यात आली आहे. सध्या राज्यावर 46 हजार कोटी रुपयांच्या कर्ज व्याजाचा बोजा आहे ही बाबही इथं लक्षात घेण्याजोगी.
9 Mar 2023, 07:01 वाजता
Maharashtra Budget 2023 : राज्यातील आगामी निवडणुका पाहता यंदाच्या अर्थसंकल्पात मोठ्या शहरांसाठी जास्तीची आर्थिक तरतूद करण्याला सरकार प्राधान्य देऊ शकतं. त्यातही शहर आणि शेतकरी असे दोन्ही महत्त्वाचे घटक केंद्रस्थानी ठेवत संतुलित अर्थसंकल्प सादर करण्यावर फडणवीसांचा भर असेल.
