बोरीवलीमध्ये डान्सबारमध्ये पुन्हा छमछम ? मनसे नेत्याने थेट Video च दाखवला

गणेश कवडे, झी मीडिया, मुंबई : धक्कादायक बातमी मुंबईतल्या बोरीवलीमधून (Borivali). बोरीवलीमध्ये डान्सबारमधली (Dance Bar) छमछम सुरूच आहे, असं दिसतंय. मनसे (MNS) नेते नयन कदम यांनी यासंबंधीचा एक व्हिडिओच (Video) ट्विट केलाय. आणि या डान्सबारसंदर्भात राज्याचे मुख्यमंत्री एकनाथ शिंदे (CM Eknath Shinde) यांना सवालही विचारलाय. डान्स बारचा हा व्हिडिओ समोर आल्यानं पुन्हा एकदा मुंबई पोलिसांच्या (Mumbai Police) कार्यपद्धतीवर संशय निर्माण झाला आहे. 

मुंबईत बारमध्ये मुलींना नाचवणे आणि त्यांच्यावर पैशाची उधळण करणे या गोष्टींना कायद्याने बंदी घालण्यात आली आहे. मात्र मुंबईच्या कस्तुरबा मार्गातील पार्कसाईट 14 ते 15 बार अवैधपणे पहाटे पाच वाजेपर्यंत सुरू असल्याचा मनसे नेते नयन कदम यांचा आरोप आहे. या व्हिडिओमध्ये दारू पिऊन झिंगलेले काही तरुण नृत्य करणाऱ्या मुलींवर पैशाची उधळण करत असल्याचं दिसतंय.

#मुंबई #डान्सबार #बोरिवली #कस्तुरबामार्ग हद्दीत क्लब9, चारवॉक, पार्कसाईड बार सकाळी 4ते5 वाजेपर्यंत पैशाची उधळण, अश्लील नृत्य सुरू. @mieknathshinde साहेबांनी ठाण्यात 13बार तोडले, आता बोरीवलीत आम्ही बार तोडावे का? @mnsadhikrut @CPMumbaiPolice @MumbaiPolice @mumbaimns @vishwasnp pic.twitter.com/nDAfqoR2Yw

— Nayan Kadam (@Nayan7217_) November 22, 2022

एकनाथ शिंदेंनी ठाण्यात तेरा बार तोडले आता आम्हीही बोरिवलीत बार तोडावेत का?, असा सवाल नयन कदम यांनी मुख्यमंत्र्यांना विचारला आहे.