Subhash Desai: मंत्री सुभाष देसाई यांची उघड धमकी, म्हणाले- बंडखोर आमदारांना विमानतळाबाहेर पडता येणार नाही!

मुंबई : Subhash Desai open Threat: महाविकास आघाडी सरकारचे मंत्री सुभाष देसाई यांनी बंडखोर शिवसेना आमदारांना उघड धमकी दिली आहे. बंडखोर आमदार मुंबई विमानतळावर आले तर तेथून बाहेर पडू शकणार नाही, असे त्यांनी म्हटले आहे.

महाराष्ट्रात सध्या सुरु असलेला राजकीय पेच सातत्याने वाढत असून, याच दरम्यान मुख्यमंत्री उद्धव ठाकरे यांच्या महाविकास आघाडी  सरकारचे मंत्री सुभाष देसाई यांनी शिवसेनेच्या बंडखोर आमदारांना उघड धमकी दिली आहे. बंडखोर आमदार मुंबई विमानतळावर आले तर तेथून त्यांना बाहेर पडता येणार नाही, असे कॅबिनेट मंत्री आणि शिवसेनेचे ज्येष्ठ नेते सुभाष देसाई यांनी म्हटले आहे. 

निम्मे आमदार शिवसेना भवनात जातील

 महाविकास आघाडी सरकारमधील मंत्री सुभाष देसाई म्हणाले, 'ज्या दिवशी बंडोखोर आमदार मुंबईत येतील, त्यादिवशी निम्म्याहून अधिक थेट शिवसेना भवनात जातील. उर्वरित निम्म्या आमदारांना विमानतळाबाहेर पडू दिले जाणार नाही.

सुभाष देसाई यांची उघड धमकी  

सुभाष देसाई बंडखोर आमदारांना धमकी देत ​​म्हणाले, 'शिवसेना ही एवढी मोठी संघटना आहे की, आम्ही विमानतळाला 24 तास, 48 तास, 72 तास किंवा तुम्ही म्हणाल तेवढा वेळ वेढा घालू शकतो.' ते पुढे म्हणाले, 'छत्रपती शिवरायांच्या तलवारीने शत्रूंना घाबरवले तर एकनाथ शिंदे आणि इतर बंडखोर आमदार मुंबईत यायला घाबरतील नाहीतर दुसरे काय करणार.'

भाजपचा शिवसेनेला टोला  

महाराष्ट्र सरकारमधील बंडखोरीवरुन भाजप नेते राम कदम यांनी शिवसेनेला टोला लगावला आहे. त्यांनी ट्विट केले, 'ज्यांनी हनुमान चालीसा नाकारली. त्यांना त्यांच्याच 40 आमदारांनी नकार दिला. यालाच दैवी शिक्षा म्हणतात का?'

देवेंद्र फडणवीस यांच्या घरी भाजपची बैठक

महाराष्ट्रात सुरु असलेल्या राजकीय गोंधळाच्या पार्श्वभूमीवर आज माजी मुख्यमंत्री देवेंद्र फडणवीस यांच्या घरी भारतीय जनता पक्षाच्या (BJP) मोठ्या नेत्यांची बैठक होत आहे. या बैठकीत पुढील रणनीतीवर चर्चा होणार आहे. यासोबतच भाजपने आपल्या सर्व आमदारांना सतर्क राहण्यास सांगितले आहे.