पाकिस्तानात या 5 भारतीय कारचा बोलबाला, या वेगळ्या नावाने होते विक्री

मुंबई : भारतीय कंपन्यांचा डंका केवळ भारतातच नाही तर जगातील इतर अनेक देशांमध्ये देखील पाहायला मिळतो. आपला शेजारी देश पाकिस्तानमध्ये भारताकडून काही कारला नेहमीच मागणी असते. तिथल्या लोकांना ठरलेल्या किमतीपेक्षा जास्त पैसे देऊन या गाड्या घ्याव्या लागतात. आज आम्ही तुम्हाला अशा पाच कारबद्दल सांगणार आहोत ज्या पाकिस्तानमध्ये सर्वाधिक विकल्या जातात.

सेलेरियोची तिप्पट किमतीत विक्री

मारुती सुझुकीची सेलेरियो ही पाकिस्तानमधील सर्वाधिक विक्री होणाऱ्या कारपैकी एक आहे. तिथे सुझुकू कल्टस नावाने ती विकली जाते. भारतात या कारची किंमत 5.23 लाख ते 7 लाखांपर्यंत आहे, तर पाकिस्तानमध्ये ती 19 लाखांना मिळते.

मारुतीची विटारा ठरली 'गेम चेंजर'

मारुतीची एसयूव्ही विटारा ब्रेझा पाकिस्तानमध्ये चांगलीच चर्चेत आहे. पाकिस्तानमध्ये ती विटारा नावानेच विकली जाते. त्याला गेम चेंजर विटारा म्हणतात. जर तुम्ही ही कार भारतात घेतली तर तुम्हाला 8 लाख ते 14 लाख रुपयात मिळते. पण पाकिस्तानमध्ये तुम्हाला ती 66 लाख पाकिस्तानी रुपयात खरेदी करावी लागते.

अल्टोची किंमत 14 लाख

पाकिस्तानमधील मारुती सुझुकीच्या कारने भारताप्रमाणेच त्यांचा मोठा बाजार वाढवला आहे. त्यातील सर्व प्रकारच्या वाहनांची मागणी कायम आहे. भारतात अल्टोच्या नावाखाली विकल्या जाणार्‍या कार तिथे 14.75 लाखांना विकल्या जातात. ज्याची भारतात किंमत 3.39 लाख रुपये आहे. ओम्नी सुझुकी पाकिस्तानमध्ये बोलान नावाने विकली जाते, ज्याची किंमत 11.49 लाख रुपये आहे. दुसरीकडे, एका पाकिस्तानी नागरिकाला वॅगनआरसाठी 20.84 लाख रुपये द्यावे लागतील, जी भारतात केवळ 5.47 लाखांमध्ये उपलब्ध आहे.

भारतीय गाड्या पाकिस्तानात खूप विकत घेतल्या जातात, पण तिथे कंपन्या नाव बदलून गाड्या विकतात. Celerio म्हणून भारतात विकली जाणारी कार Suzuku Cultus द्वारे पाकिस्तानमध्ये विकली जाते. त्याचवेळी, मारुतीची SUV Vitara Brezza ला पाकिस्तानमध्ये गेम चेंजर Vitara म्हटले जाते.