साध्वी ममतानं धुडकावला `बीग बॉस`चा आदेश!

www.24taas.com, झी मीडिया, नवी दिल्ली
छोट्या पडद्यावर विविध गोष्टींसाठी मोठ्या प्रमाणात गाजलेल्या ‘बीग बॉस’ या कार्यक्रमाचं सातवं पर्व लवकरच सुरू होणार आहे. या तथाकथिक रिअॅलिटी शोमध्ये सहभागी होण्यासाठी स्पर्धकांची चाचपणी निर्मात्यांकडून सुरू झालीय. याचाच एक भाग म्हणून सध्या साध्वी बनून जगासमोर आलेल्या ममता कुलकर्णीलाही या शोमध्ये सहभागी होण्यासाठी विचारण्यात आलं पण ममतानं मात्र या ऑफरला साफ धुडकावून लावलंय.
‘बीग बॉस’ हा कार्यक्रम नेहमीच चर्चेत राहिलाय तो या कार्यक्रमात सहभागी झालेल्या स्पर्धकांच्या उथळ वागण्यानं... शोचा टीआरपी ध्यानात घेता या शोमध्ये हमखास काही वादग्रस्त सेलिब्रिटींची उपस्थिती नक्की केली जाते. याच कार्यक्रमाच्या येत्या पर्वासाठी बिग बॉसच्या निर्मात्यांनी स्पर्धकांची निवड सुरु केली आहे. या शोच्या निर्मात्यांनी वादग्रस्त अभिनेत्री ममता कुलकर्णीशी संपर्क साधला असून या शोमध्ये सहभागी होण्यासाठी ऑफर दिली. ममताला या शोमध्ये सहभागी होण्यासाठी निर्मात्यांनी मोठी रक्कमसुद्धा देऊ केली. मात्र, ममताने बिग बॉसची ही ऑफर नाकारल्याचं समजतंय.