`जय हो`पडला `एक था टायगर`पेक्षा कमी

www.24taas.com, झी मीडिया, मुंबई
सलमान खानचा अॅक्शन पॅक्ड चित्रपट `जय हो` रिलीज होऊन अवघे दोनच दिवस झाले आहेत. मात्र फॅन्ची अपेक्षा जय हो पूर्ण करू शकत नाहीय. `जय हो`ची पहिल्या दिवसाची कमाई ही सलमानच्याच `एक था टायगर`च्या पहिल्या दिवसाच्या कमाई पेक्षाही कमी झालीय. `जय हो` हा रेकॉर्ड तोडू शकलेला नाही.
आकडेवारीनुसार आणि चित्रपट समिक्षक तरन आदर्श यांच्यानुसार सल्लूमियाँच्या `जय हो`च्या पहिल्या दिवसाची कमाई ही १७.५५ कोटी इतकी झाली. ही कमाई `एक था टायगर`च्या जवळपासही जात नाही. एक था टायगरच्या पहिल्या दिवसाची कमाई ही जवळपास ३३ कोटी होती.
मात्र तरीही आजची प्रजासत्ताक दिनाची सुट्टी बघता चित्रपट चांगली कमाई करेल, असं समिक्षकांचं म्हणणं आहे.