आज गौरी-गणपतीला निरोप!

www.24taas.com, झी मीडिया, मुंबई
गणेशोत्सवाचा आजचा पाचवा दिवस... मुंबईसह अनेक ठिकाणी आज पाच दिवसांच्या गणपतींचं विसर्जन होतंय. तसंच तीन दिवस माहेरवाशिण म्हणून आलेल्या गौरींचंही आज विसर्जन होणार आहे.
त्यासाठी चौपाट्यांवर चोख सुरक्षा व्यवस्था ठेवण्यात आलीय. तसंच दीड दिवसांच्या गणपतींचं विसर्जन करताना भाविकांना स्टींग रे माशांमुळे भाविकांना त्रास झाला होता. त्यामुळे सावधगिरी म्हणून चौपाट्यांवर व्यवस्था करण्यात आलीय. लहान मुलांना समुद्रात जाण्यास बंदी घालण्यात आलीय तर मोठ्यांनी गम बूट घालूनच समुद्रात जावं, असं आवाहन महापालिकेतर्फे करण्यात आलंय.