अरे बापरे! डिझेलच्या किंमती पुन्हा वाढणार

www.24taas.com, झी मीडिया, मुंबई
रुपयाच्या घसरणीचा फटका डिझेलच्या दरांवर होण्याची शक्यता आहे. पावसाळी अधिवेशनानंतर डिझेलच्या किंमतीत तीन रुपयांनी वाढ होण्याची शक्यता आहे.
रुपयाच्या घसरलेल्या किंमतीमुळे आंतरराष्ट्रीय बाजारातून कच्चे तेल घेण्यासाठी मोठी किंमत तेल कंपन्यांना मोजावी लागत आहे. हा बोजा कमी करण्यासाठी डिझेलच्या दरात वाढ होण्याची शक्यता आहे. रुपयाची घसरती किंमत ही चिंतेची बाब असल्याचं केंद्रीय पेट्रोलियम मंत्री विरप्पा मोईली यांनीही मान्य केलं.