ISIS संबंधित एकाला मुंब्र्यात तर दोघांना कर्नाटकात अटक

ठाणे : ठाणे जिल्ह्यात मुंब्रा इथून आयसिसशी संबंधित संशयिताला ताब्यात घेण्यात आलंय.

मुंबई एटीएस आणि एनआयएनं संयुक्तरित्या ही कारवाई केलीयं. कल्याण आणि मुंबईतल्या मालवणी भागात अनेक तरुणांना आयसिसच्या जाळ्यात ओढण्याचे प्रयत्न गेल्या काही महिन्यांपासून सुरू आहेत. या पार्श्वभूमीवर एटीएसनं मोहीम हाती घेतलीय. या अंतर्गत केलेल्या कारवाईत काल रात्री या ४० वर्षांच्या व्यक्तीला ताब्यात घेण्यात आलंय. एनआयएचे अधिकारी त्याची कसून चौकशी करतायत

तर कर्नाटकमधूनही आयसिसशी संबधित दोघांना अटक करण्यात आलीयं. टुंकूर आणि मंगळूर इथून दोन संशयितांना पकडण्यात आलंय. 

उल्लेखनीय म्हणजेच, २० जानेवारी रोजी हरिद्वारमध्ये होणाऱ्या अर्धकुंभ दरम्यान मोठा दहशतवादी हल्ला घडवून आणण्याचा प्रयत्नात असणाऱ्या चार दहशतवाद्यांना रुडकी इथून ताब्यात घेतलं होतं.