पाकिस्तानकडून झालेल्या गोळीबारात शहीद जवानाला मानवंदना

जम्मू-काश्मीर : पाकिस्तानी सैनिकांनी काल केलेल्या गोळीबारात शहीद झालेल्या जवानाला राजौरी इथं मानवंदना देण्यात आली. त्यानंतर शिपाई सुदीस कुमार याचं पार्थिव उत्तर प्रदेशातल्या त्यांच्या मूळ गावी रवाना करण्यात आलं. प्रत्यक्ष नियंत्रण रेषेवर पाकिस्तानी सैन्याकडून वारंवार शस्त्रसंधीचं उल्लंघन होतंय.

काल नौशेरा सेक्टर आणि राजौरीच्या थारकुंडी भागात दोन वेळा पाकिस्ताननं गोळीबार केला. राजौरीच्या गोळीबारात 6 राजपुताना रायफल्सचे जवान सुदीस कुमार शहीद झाले होते. दरम्यान, कुमार यांच्या पंसुखा या गावावर शोककळा पसरलीये.