‘बोधगयावर हल्ला दहशतवाद्यांकडूनच...’

www.24taas.com, झी मीडिया, नवी दिल्ली
बिहारमध्ये रविवारी पहाटे पहाटे झालेले साखळी बॉम्बस्फोट हे दहशतवाद्यांनीच घडवून आणले, असं गृहमंत्रालयानं स्पष्ट केलंय. अद्याप कोणत्याही दहशतवादी संघटनेनं या हल्ल्याची जबाबदारी स्वीकारलेली नाही. या स्फोटांमध्ये दोघांना आपले प्राण गमवावे लागलेत तर पाच जण गंभीर जखमी आहेत.
महाबोधी मंदिरातील परिसरात आज पहाटेच साखळी बॉंम्बस्फोट झाले. हा दहशतवादी हल्ला असल्याची माहिती गृह मंत्रालयाकडून देण्यात आलीय. घटनास्थळावर थोड्या थोड्या कालावधीच्या अंतरावर आठ बॉम्बस्फोट घडवून आणले गेले तर एक जिवंत बॉम्ब पोलिसांनी घटनास्थळावरून हस्तगत केलाय.