झारखंडमध्ये गोळीबारात १२ माओवादी ठार

रांची :  झारखंडमध्ये गोळीबारात १२ माओवादी ठार झाले आहेत. पलामू जिल्ह्यात सोमवारी मध्यरात्री सुरक्षा रक्षकांनी माओवाद्यांच्या मोटारीवर गोळीबार केला. यात  १२ माओवादी ठार झाले आहेत. तर, गोळीबारात एकही सुरक्षा रक्षक जखमी झालेला नाही. तसेच माओवाद्यांना गोळीबार करण्याची संधीच दिली नाही.

माओवाद्यांकडून ८ रायफल्स आणि २२० काडतूस जप्त करण्यात आली आहेत. या गोळीबाराच्या घटनेनंतर परिसरात शोधमोहिम करण्यात येत आहे.

पोलिसांनी दिलेल्या माहितीनुसार, पलामू जिल्ह्यातील सतबरवा जंगलातील एका रस्त्यावरून माओवादी स्कॉर्पिओ गाडीतून जात असल्याची माहिती सुरक्षा रक्षकांना मिळाली होती. त्यानंतर सापळा रचून सुरक्षा रक्षकांनी गाडीवर गोळीबार करत गाडीतील १२ माओवाद्यांना ठार मारले. 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.