नेल्सन मंडेला पुन्हा हॉस्पीटलमध्ये

www.24taas.com, झी मीडिया, जोहान्सबर्ग
वर्णभेदाविरुद्धच्या मोहिमेचे प्रणेते तसेच दक्षिण आफ्रिकेचे माजी राष्ट्रपती नेल्सन मंडेला यांना शुक्रवारी रात्री उशीरा हॉस्पीटलमध्ये दाखल करण्यात आलंय.
त्यांची प्रकृती गंभीर असली तरी स्थिर असल्याची माहिती डॉक्टरांनी दिलाय. राष्ट्रपती जॅकब जुमा यांच्या कार्यालयातून जाहीर करण्यात आलेल्या माहितीमध्ये माजी राष्ट्रपती नेल्सन मंडला यांच्या फुस्फुसांत गेल्या काही दिवसांपासून संसर्ग झाल्याचं सांगण्यात आलंय. शुक्रवारी रात्री जवळजवळ दीडच्या सुमारास त्यांची तब्येत आणखीनच बिघडली. त्यांना तात्काळ प्रिटोरिया हॉस्पीटलमध्ये दाखल करण्यात आलं. राष्ट्रपती कार्यालयातून मिळालेल्या माहितीनुसार, मंडेला यांची प्रकृती स्थिर असली तरी चिंताजनक आहे.
नोबल पुरस्कारानं सन्मानित करण्यात आलेल्या ९६ वर्षीय मंडेला यांना गेल्या काही महिन्यांपासून अनेक वेळा प्रकृती बिघडल्यानं हॉस्पीटलमध्ये उपचारासाठी दाखल करावं लागलंय. त्यांची प्रकृती दिवसेंदिवस ढासळत चाललीय. मंडेला यांच्यावर सध्या तज्ज्ञांच्या देखरेखीखाली उपचार सुरू आहेत.