राज्यात राणा-पाठक बाईंच्या लग्नाची जोरदार चर्चा

मुंबई : राज्यातल्या महापालिका आणि जिल्हा परिषदेमधे कोण कोणाला घेऊन सत्ता स्थापन करणार याची चर्चा सुरु असताना राज्यामधे एका लग्नाची जोरदार चर्चा  सुरु आहे...झी मराठी वरील तुझ्यात जीव रंगला ही मालिका एका महत्वाच्या टप्प्यावर आलीय. चला तर  राणाच्या लग्नाचं काय होतय ते पाहुया.

चालतंय की....चालतंय की म्हणतं रागड्या राणानं कोल्हापूरकरांचंच नाही तर अख्ख्या महाराष्ट्राचं प्रेम मिळवलंय...तुझ्यात जीव रंगला या मालिकेतील राणा आणि पाठकबाई प्रेक्षकांच्या गळ्यातील ताईत बनले आहेत...आता तर मालिकेत राणा आणि पाठकबाईंचं लग्न होणार आहे.

मालिकेमध्ये या लग्नाला अजून काही दिवस बाकी आहेत...पण त्याआधीच आम्ही त्यांचं लग्न तुम्हाला दाखवतोय... पाठकबाई अगदी नटून थटून लग्नाला उभ्या राहिल्यात..तर राणा तर नादच खुळा...

रांगडेपणातील प्रेम कहाणी या मालिकेच्या माध्यमातून मांडली आहे...सर्वांना मदत करणारा राणा आणि त्याच्या प्रेमात पडणाऱ्या पाठकबाई आज मालिकेतल्या लग्नावेळी भलत्याच खूश दिसत होत्या...

निवडणुकीच्या मतदानादरम्यान तर व्हॉट्स अपवर राणा आणि पाठकबाईंना तरुणाईनं डोक्यावर घेतलं….’’पाठकबाई कोणत्या मतदान केंद्रावर हाईत...राणादा ईचारत व्हुता” अशा खास कोल्हापुरी स्टाईलचे जोक्स सोशल मीडियावरुन व्हायरल होत होते,.

राणादा आणि पाठकबाईंचं लग्न अगदी कोल्हापुरी स्टाईलनं झालंय. लग्न झाल्यावर राणानं पाठकबाईंना उचलून घेतल्यावर उपस्थितांमध्ये एकच आनंद पाहायला मिळाला...तुम्हाला हे सगळ लग्न पहाता येइल पण त्यासाठी थोडा वेळ थांबाव लागेल