पिंपरी चिंचवडमध्ये राष्ट्रवादीचं पानिपत, कार्यकर्ते सैरभैर

पिंपरी चिंचवड : पिंपरी चिंचवडमध्ये राष्ट्रवादीचं पानिपत झाल्यावर आता कार्यकर्ते अक्षरशः सैरभैर झालेत. आश्चर्याची बाब म्हणजे निवडणुकीचा निकाल लागल्यावर अजित पवारही नॉट रिचेबल झालेत. पत्रकारांना प्रतिक्रिया देणं सोडाच, पण स्थानिक नेते, कार्यकर्ते यांनाही ते नॉट रिचेबल आहेत. त्यामुळे कार्यकर्त्यांत संभ्रम आहे. 

अजित पवार हे कुठे आहेत हे काही नेत्यांना विचारल्यावर त्यांनी म्हटलंय की आमचा एका मिनिटात अजित पवारांशी संपर्क होईल, तो प्रश्न आमच्यासाठी महत्वाचा नाही, पण आम्हाला जनतेने नाही, आम्हाला मशीन्सने हरवलं आहे, मशीन्सचा घोळ करणाऱ्यांचा आम्ही शोध घेत आहोत,असं काही कार्यकर्त्यांनी सांगितलं.