किडनी तस्करीची मुख्यमंत्र्यांनी घेतली गंभीर दखल

औरंगाबाद : किडनी तस्करी प्रकरणी मुख्यमंत्री देवेंद्र फडणवीस यांनी गंभीर दखल घेतली आहे. या प्रकरणाबाबत येत्या हिवाळी अधिवेशनात चर्चा केल्या जाईल, असं सार्वजनिक बांधकाम मंत्री चंद्रकांत दादा पाटील यांनी म्हटलंय. 

या प्रकरणाचा अहवाल मागवून त्यावर चर्चा केल्या जाणार असून भाजपचा कुठलाही कार्यकर्ता या प्रकरणात असल्यास त्याला पाठीशी घातल्या जाणार नाही. कडक कारवाई केली जाईल असही पाटील यांनी म्हटलंय. 

पाटील यांच्या अध्यक्षतेखाली आज विभागीय आयुक्तालयात रस्त्यांच्या कामासंदर्भातील आढावा घेण्यात आला.या बैठकीनंतर ते औरंगाबादमध्ये पत्रकारांशी बोलत होते. 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.