समृद्धी महामार्ग प्रकल्पग्रस्तांसोबत शिवसेना - उद्धव ठाकरे

औरंगाबाद : समृद्धी महामार्ग प्रकल्पग्रस्तांसोबत शिवसेना असल्याचं आश्वासन, शिवसेना पक्षप्रमुख उद्धव ठाकरे यांनी दिलंय. औरंगाबादमध्ये समृद्धी महामार्गाला विरोध करणा-या शेतक-यांशी उद्धव ठाकरेंनी संवाद साधला. 

समृद्धीसाठी जमीन द्यायची की नाही ते एकदा शेतक-यांनी ठरवावं. त्यानंतर शिवसेना शेतक-यांना अखेरपर्यंत मदत करेल असं आश्वासन, उद्धव ठाकरेंनी प्रकल्पग्रस्तांना दिलंय. 

पक्ष सघंटनेच्या बैठकीसाठी उद्धव ठाकरे औरंगाबादमध्ये पोहोचले आहेत. इथे ते पक्ष पदाधिका-यांशी संवाद साधणार आहेत. 

शनिवारी मराठवाड्यातल्या सर्व तालुक्यांत शिवसेना पदाधिका-यांनी दौरा करुन काही ठिकाणी शेतक-यांसशी संवादही साधला. या सगळ्याची माहिती उद्धव ठाकरे घेणार आहेत.