मुंडे विरुद्ध मुंडे; कोण मारणार बाजी?

www.24taas.com, झी मीडिया, ठाणे
धनंजय मुंडे यांनी राजीनामा दिल्यामुळे रिक्त झालेल्या विधान परिषदेच्या जागेसाठी आज निवडणूक होतेय. या निवडणुकीत राष्ट्रवादी काँग्रेसकडून धनंजय मुंडे आणि भाजप-शिवसेना पुरस्कृत पृथ्वीराज काकडे यांच्यात लढत होतेय.
या निवडणुकीतून धनंजय मुंडे यांनी काका आणि भाजप नेते गोपीनाथ मुंडेंना आव्हान दिलंय. या निवडणुकीत केवळ विधानसभेचे आमदार मतदान करणार असल्यानं धनंजय मुंडे यांचा विजय निश्चित मानला जातोय. मात्र, सहजासहजी धनंजय मुंडेंना विजय मिळवू न देण्याचं गोपीनाथ मुंडे यांनी ठरवलंय. गोपीनाथ मुंडे जातीने या निवडणुकीत लक्ष घालताना दिसले. त्यामुळं मुंडे विरुद्ध मुंडे हा संघर्ष या निवडणुकीत पाहायला मिळणार आहे.