झहीर खानची कॅप्टनपदी वर्णी

मुंबई: आयपीएलच्या यंदाच्या सिझनमध्ये झहीर खान दिल्ली डेअरडेव्हिल्सचं नेतृत्व करणार आहे. दिल्ली संघाच्या मॅनेजमेंटनं नुकतीच याची घोषणा केली आहे. 

आयपीएलच्या यंदाच्या सिझनला 9 एप्रिलपासून सुरुवात होत आहे. तर 10 एप्रिलला दिल्ली डेअरडेव्हिल्स आपला पहिला सामना कोलकाता नाईडरायडर्सबरोबर खेळेल.

दिल्लीच्या टीममध्ये झहीर खानबरोबरच मोहम्मद शमी, अमित मिश्रा, इम्रान ताहिर, क्वानटन डीकॉक, क्रिस मॉरिस, ऍल्बी मॉर्कल यांच्यासारखे दिग्गज खेळाडू आहेत. 

आत्तापर्यंतच्या आयपीएलच्या 8 सिझन्समध्ये एकदाही दिल्लीला आयपीएल जिंकता आलेलं नाही, त्यामुळे यंदा झहीर खानच्या नेतृत्वाखाली दिल्लीची टीम इतिहास बदलण्यासाठी मैदानात उतरेल.