Mahashivratri 2024 : महाशिवरात्रीला रुद्राभिषेक का महत्त्वाचं? जाणून घ्या फायदे

Mahashivratri 2024 : फाल्गुन मासच्या चतुर्दशी तिथीला महाशिवरात्री आहे. महाशिवरात्रीच्या दिवशी, भक्त मनापासून कडक उपवास करतात आणि या तिथीला चारही प्रहरांमध्ये भगवान शंकराची विशेष पूजा करतात. यावर्षी कॅलेंडरनुसार 2024 मध्ये, महाशिवरात्री शुक्रवार, 8 मार्च 2024 रोजी साजरी केली जाईल. महाशिवरात्री चतुर्दशी तिथी 08 मार्च रोजी रात्री 09:57 वाजता सुरू होईल आणि ही तारीख 09 मार्च रोजी संध्याकाळी 06:17 वाजता समाप्त होईल. महाशिवरात्रीच्या दिवशी रुद्राभिषेकाचे महत्त्व का आहे? त्याचे महत्त्व आणि फायदे जाणून घ्या. 

धार्मिक मान्यतेनुसार, महाशिवरात्रीच्या दिवशी माता पार्वती आणि शिव यांचा विवाह झाला होता. महाशिवरात्रीच्या दिवशी मनोकामनापूर्ती करण्यासाठी रुद्राभिषेकचे विशेष महत्त्व आहे. रुद्राभिषेक केल्याने भगवान शिव प्रसन्न होतात आणि महाशिवरात्रीच्या दिवशी रुद्राभिषेक करण्याचे अनेक फायदे आहेत.

रुद्राभिषेक म्हणजे काय?

रुद्राभिषेक हे रुद्र आणि अभिषेक या शब्दांनी बनलेले आहे. अभिषेकचा शाब्दिक अर्थ स्नान करणे असा आहे. रुद्राभिषेक म्हणजे भगवान रुद्राचा अभिषेक. रुद्राभिषेक हा दूध, पाणी, तूप, दही, मध अशा अनेक प्रकारच्या पदार्थांनी केला जातो. यावर महादेव प्रसन्न होऊन त्यांचा आशीर्वाद मिळतो. 

रुद्राभिषेकाचे महत्त्व

रुतम-दुःखम्, द्रवयति- नाशयतितिरुद्र: म्हणजेच रुद्राभिषेकाने निष्पाप लोक सर्व दुःखांचा नाश करतात. आपल्याकडून केलेली पापेच दु:खाचे कारण आहेत. त्यामुळे रुद्रार्चना किंवा रुद्राभिषेकाने कुंडलीतील पापकर्म आणि महापाप कर्मेही दूर होतात आणि व्यक्तीमध्ये शिवत्वाचा उदय होतो. रुद्रहृद्योपनिषदात सांगितले आहे की, ‘सर्वदेवत्को रुदः सर्वे देवा: शिवातिका’. म्हणजे रुद्र हा सर्व देवांच्या आत्म्यात असतो आणि सर्व देव रुद्राच्या आत्म्यात असतात. यामुळेच रुद्राभिषेक केल्याने लवकर फळ मिळते आणि ग्रह दोषांसह सर्व समस्या दूर होतात.

महाशिवरात्रीला रुद्राभिषेकाचे फायदे

• महाशिवरात्रीला पाण्याने अभिषेक केल्याने पाऊस पडतो.
• कुशोदकाने रुद्राभिषेक केल्याने रोग बरे होतात.
• दह्याने रुद्राभिषेक केल्याने घर व वाहन मिळते.
• महाशिवरात्रीला संपत्ती वाढवण्यासाठी मध आणि तुपाचा अभिषेक करावा.
• अत्तरमिश्रित पाण्याने अभिषेक केल्यास रोग दूर होतात.
• मूल होण्यासाठी महाशिवरात्रीच्या दिवशी गाईच्या दुधाने अभिषेक करावा.
• गाईच्या दुधात तूप मिसळून अभिषेक केल्याने निरोगी आयुष्य लाभते.
• महाशिवरात्रीला मोहरीच्या तेलाने अभिषेक केल्याने शत्रूंचा नाश होतो.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)