Horoscope 26 October 2022 : आज नात्यांवरचंही ग्रहण सरणार; ‘या’ राशींना गोड बातमी मिळणार

Todays horoscope 26 october bhai dooj diwali 2022

Horoscope 26 October 2022 : मंगळवारी असणारं ग्रहण संपलं आणि आता राशींमध्ये असणारं ग्रहणही सरणार आहे. नात्यांमध्ये असणारा दुरावा मिटणार आहे. जाणून घ्या कसा असेल तुमचा आजचा दिवस, कशी असेल भाऊबीज. (Bhai dooj 2022)

मेष- आज तुम्हाला नशिबाची साथ आहे. समाज आणि कुटुंबात तुमच्या शब्दाला मान असणार आहे. कौटुंबीक आनंद मिळणार आहे. जोडीदाराशी सुरेख ताळमेळ साधाल.

वृषभ- आज तुम्हाला व्यवहारांवर ताबा ठेवावा लागणार आहे. आज सर्व मतभेद आणि नात्यांमधला दुरावा मिटणार आहे. दुरावलेली माणसं जवळ येणार आहेत.

मिथुन- मानसिक आरोग्याला प्राधान्य द्या. आजचा दिवस शुभ आहे. धनलाभ होण्याचा योग आहे. आज मोठ्यांचे आशीर्वाद फळणार आहेत. आजापणांपासून दूर राहाल.

कर्क- कुटुंबाप्रती असणाऱ्या सर्व जबाबदाऱ्या पूर्ण होणार आहेत. आजचा दिवस दिलासादायक आहे. व्यापारवृद्धिचा लाभ होणार आहे.

सिंह- आज तुमच्या शब्दाला मान असणार आहे. निर्णय असे घ्या ज्याचे दूरगामी फायदे असतील. आज भावाकडून एखादी अविस्मरणीय भेट मिळणार आहे.

कन्या- आज गोड बातमी मिळणार आहे. आर्थिक वाटांवर प्रगतीचा योग आहे. नव्या नोकरीची संधी आज तुम्ही स्वीकारण्याचा निर्णय घ्याल.

तुळ- जोडीदाराच्या सहाय्यानं आज तुम्ही यशशिखरं गाठणार आहात. आत्मविश्वास बाळगा, सर्व गोष्टी तुमच्या मनाजोग्या घडतील.

वृश्चिक – आज तुमच्याच कलानं गोष्टी घडणार आहेत. बोलण्यावर ताबा ठेवा. अतिउत्साहाला वेसण घाला.

धनु- व्यवसायाच्या दृष्टीनं एखादा मोठा आणि तितकाच महत्त्वाचा निर्णय घ्याल. नातेसंबंध सुधारणार आहेत.

मकर- आज एक अविस्मरणीय भेट मिळणार आहे. तुमच्यामागे असणाऱ्या नकारात्मक शक्तींचा ऱ्हास होणार आहे.

कुंभ- बहुप्रतिक्षित कामं मार्गी लागणार आहेत. सामाजिक स्तर वाढलेला असेल. आनंदाचे क्षण अनुभवण्याची संधी मिळेल.

मीन- अडकलेले व्यवहार मार्गी लागणार आहेत. मोठ्यांचे सल्ले घ्या, प्रत्येक कामात यश मिळेल. जोडीदाराची साथ मिळेल.