Shane Warne Death | शेन वॉर्नचा 'बॉल ऑफ द सेंच्युरी', ज्यामुळे क्रिकेट विश्वात फिरकीची दहशत

संजय पाटील, झी 24 तास, मुंबई : ऑस्ट्रेलियाचा दिग्गज फिरकीपटू शेन वॉर्नच्या (Shane Warne Death) निधनामुळे क्रिकेट विश्वावर शोककळा पसरली आहे. वॉर्न हा ख्यातनाम स्पिनरपैकी एक होता. वॉर्नने क्रिकेट कारकिर्दीत 1 हजारपैकी जास्त विकेट्स घेतल्या होत्या. वॉर्नच्या बॉलिंगचा सामना करायला सचिन तेंडुलकरचा (Sachin Tendulkar) अपवाद वगळता अनेक फलंदाज थरथर कापायचे. (australia vs england ashes series 1993 1st test shane warne take mike gatting wickets ball of the century)

वॉर्नच्या फिरकीचा सामना करणं हे खरंच खायचं काम नव्हतं. फलंदाजांची दांडी गुल करणाऱ्या वॉर्नने घेतलेल्या एका विकेटला 'बॉल ऑफ द सेंच्युरी'चा (Ball Of The Century) बहुमान मिळाला. ही विकेट वॉर्नच्या कारकिर्दीतील अविस्मरणीय घटना होती, जी कोणत्याही क्रिकेट चाहत्याला कधीही विसरता येणार नाही.