क्रिकेटरचे असिस्टंटसोबतचे खाजगी फोटो लीक, पत्नीसोबत घटस्फोटासाठी मोजावे लागले होते 300 कोटी

मुंबई : ऑस्ट्रेलियाचा प्रसिद्ध क्रिकेटपटू मायकल क्लार्कने त्याच्या नेतृत्वाखाली ऑस्ट्रेलियन संघासाठी 2015 एकदिवसीय विश्वचषक जिंकला. लग्नाच्या सात वर्षानंतर त्याने 2019 मध्ये पत्नी काइलीशी घटस्फोट घेतला. त्यांचा घटस्फोट 300 कोटींमध्ये झाला होता.

मायकेल क्लार्कने 2012 मध्ये कायलीशी लग्न केले. यानंतर त्याच्या असिस्टंटसोबतचे फोटो व्हायरल झाले, त्यामुळे त्याला कायलीशी घटस्फोट घ्यावा लागला. दोघांनाही एक मुलगी आहे, तिचे नाव केल्सी आहे.

2018 मध्ये ऑस्ट्रेलियन मीडियामध्ये मायकेल क्लार्कचे त्याच्या असिस्टंटसोबत अफेअर असल्याची बातमी आली होती. साशा मायकल क्लार्कच्या क्रिकेट अकादमीचे काम सांभाळत असली तरी व्यस्त काळानंतर दोघेही एकमेकांसोबत जास्त वेळ घालवत असत.

मायकेल क्लार्क आणि साशाचे काही फोटो लीक झाले होते, ज्यामध्ये ते एका आलिशान यॉटमध्ये दिसत होते. त्यानंतर सोशल मीडियावर त्यांचे फोटो व्हायरल झाल्यानंतर क्लार्कच्या गृहजीवनात वादळ आले. क्लार्कने त्यावेळी त्याच्या सहाय्यकासोबतच्या संबंधाबाबत कोणतेही वक्तव्य केले नाही.

ऑस्ट्रेलियन मीडियाने सांगितले होते की या घटस्फोटाची किंमत 40 मिलियन डॉलर म्हणजे सुमारे 300 कोटी रुपये आहे. मीडियाशी बोलताना मायकेल क्लार्क म्हणाला, 'काही काळ वेगळे राहिल्यानंतर आम्ही हा कठीण निर्णय घेतला आहे. आम्ही एकमेकांचा आदर करतो आणि आम्ही ठरवले आहे की वेगळे होणे आम्हा दोघांच्या हिताचे आहे.

मायकेल क्लार्कची गणना जगातील स्फोटक फलंदाजांमध्ये केली जाते. त्‍याने ऑस्‍ट्रेलियाला वर्ष 2015 चा वर्ल्डकप जिंकवून दिला होता. क्लार्कने 115 कसोटी सामन्यात 8643 धावा, 245 एकदिवसीय सामन्यात 7981 धावा आणि 34 टी-20 सामन्यात 488 धावा केल्या आहेत.