IPL 2020: KXIP vs RCB सामन्यात कोणाची बाजू मजबूत?

आजचा सामना जिंकण्यासाठी दोन्ही संघ सज्ज

Updated: Sep 24, 2020, 06:13 PM IST
IPL 2020: KXIP vs RCB सामन्यात कोणाची बाजू मजबूत? title=

दुबई : इंडियन प्रीमियर लीग २०२० (आयपीएल २०२०) चा सहावा सामना रॉयल चॅलेंजर्स बंगळुरू विरुद्ध किंग्ज इलेवन पंजाब यांच्यात होणार आहे. हा सामना 24 सप्टेंबर रोजी म्हणजेच आज रात्री 7:30 वाजता दुबईच्या आंतरराष्ट्रीय क्रिकेट स्टेडियमवर खेळला जाणार आहे. या सामन्यावर सर्वांचे लक्ष आहे कारण एकीकडे टीम इंडियाचा कर्णधार विराट कोहली आरसीबीचा कर्णधार आहे, तर दुसरीकडे भारतीय संघाचा स्टार केएल राहुल पंजाब संघाचे नेतृत्व करीत आहे. या रोमांचक सामन्याआधी आम्ही तुम्हाला आयपीएलच्या इतिहासातील किंग्ज इलेव्हन पंजाब आणि आरसीबीच्या हेड टू हेड रेकॉर्डबद्दल सांगणार आहोत.

हे लक्षात घेण्यासारखे आहे की किंग्ज इलेव्हन पंजाब विरुद्ध रॉयल चॅलेंजर्स बंगळुरु दरम्यान एकूण 24 सामने खेळले गेले. या 24 सामन्यांमध्ये आरबीसी आणि किंग्ज इलेव्हनने समान सामने जिंकले आहेत. या दोन्ही संघांनी आयपीएलमधील १२-१२ सामने जिंकले आहेत. हे सांगण्यासाठी पुरेसे आहे की जेव्हा जेव्हा आयपीएल दरम्यान किंग्ज इलेव्हन पंजाब आणि आरसीबीचा सामना होतो तेव्हा अत्यंत कांटे की टक्कर असते.

आयपीएल 13 मोसमातील पहिला सामना आरसीबीने जिंकला आहे. तर पंजाबला आयपीएल 13 च्या पहिल्या सामन्यात सुपर ओव्हरमध्ये दिल्ली कॅपिटलसकडून पराभवाचा सामना करावा लागला.

आयपीएलच्या इतिहासात आरसीबी आणि पंजाब संघातील आकडे समान आहेत. शेवटच्या 5 आयपीएल सामन्यात विराट कोहलीची आर्मी आरसीबी पंजाब संघासमोर प्रचंड आघाडी घेऊन पुढे आहे. बंगळुरू संघाने गेल्या 5 आयपीएल सामन्यांपैकी 4 सामन्यात किंग्ज इलेव्हन पंजाब (केएक्सआयपी) चा पराभव केला. दुसरीकडे फक्त एक सामना पंजाबच्या संघाच्या खात्यात गेला असून हा विजय पंजाबने 2017 च्या आयपीएल 10 मोसमात जिंकला होता. पण आता के एल राहुलच्या नेतृत्वात पंजाब टीम विजयासाठी प्रयत्न करेल.