भारतीय टेस्ट संघाच्या नव्या उपकर्णधाराची घोषणा, BCCI ने दिली मोठी जबाबदारी

Ind Vs SL : भारताचा सलामीवीर फलंदाज आणि वनडे आणि टी20 संघाचा कर्णधार रोहित शर्माची शनिवारी आगामी श्रीलंका विरुद्धच्या मालिकेसाठी कसोटी कर्णधार म्हणून नियुक्ती करण्यात आलीये.

माध्यमांना संबोधित करताना, बीसीसीआयचे मुख्य निवडकर्ता चेतन शर्मा यांनी पुष्टी केली की वेगवान गोलंदाज जसप्रीत बुमराह आगामी श्रीलंका मालिकेसाठी भारताचा टी-20 आणि कसोटी उपकर्णधार असेल.

चेतेश्वर पुजारा आणि अजिंक्य रहाणे यांना दोन कसोटी सामन्यांच्या मालिकेसाठी भारतीय संघातून वगळण्यात आले आहे, बीसीसीआयने दोन्ही फलंदाजांना या निर्णयाची माहिती दिली होती आणि त्यांना रणजी ट्रॉफीमध्ये धावा करण्यास सांगण्यात आले होते.

पुजारा आणि रहाणेसह, वेगवान गोलंदाज इशांत शर्मा आणि वृद्धिमान साहा यांना देखील वगळण्यात आले आहे आणि त्यांना देखील धावा आणि विकेट्समध्ये परत येण्यासाठी चालू रणजी ट्रॉफी खेळण्याची विनंती करण्यात आली आहे.

वेस्ट इंडिजविरुद्धच्या तिसऱ्या T20 सामन्यापूर्वी विराट कोहलीला बायो-बबलमधून ब्रेक दिल्यानंतर, बोर्डाने यष्टीरक्षक ऋषभ पंत आणि अष्टपैलू शार्दुल ठाकूर यांच्यासह श्रीलंकेविरुद्धच्या आगामी मालिकेसाठी अनुभवी फलंदाजाला विश्रांती देण्यात आल्याची पुष्टी केली.

भारतीय संघ : रोहित शर्मा (कर्णधार), मयंक अग्रवाल, प्रियांक पांचाळ, विराट कोहली, श्रेयस अय्यर, हनुमा विहारी, शुभमन गिल, ऋषभ पंत (विकेटकीपर), केएस भरत (विकेटकीपर), आर अश्विन (फिटनेसच्या अधीन), रवींद्र जडेजा, जयंत यादव, कुलदीप यादव, जसप्रीत बुमराह (उपकर्णधार), मोहम्मद शमी, मोहम्मद सिराज, उमेश यादव, सौरभ कुमार.