कॅप्टन रोहितची मागणी, मुंबई इंडियन्समध्ये या घातक बॉलरची होणार एन्ट्री?

मुंबई : आयपीएलच्या 15 व्या मोसमात IPL 2022  मुंबई इंडियन्सला (Mumbai Indians) विजयाची चव चाखता आलेली नाही. मुंबईने या मोसमात खेळलेल्या 6 सामन्यात पराभव झाला आहे. त्यामुळे मुंबईच्या विजयाची प्रतिक्षा अजूनही संपलेली नाही. त्यामुळे कॅप्टन रोहित शर्मा आणि मुंबी पहिल्या विजयाच्या शोधात आहेत. या विजयासाठी मुंबई टीममध्ये घातक गोलंदाज येणार असल्याचं समजतंय. ( mi mumbai indians ipl 2022 dhawal kulkarni may be join team squad)

टीओआयच्या रिपोर्टनुसार, मुंबईकर धवल कुलकर्णी (Dhawal Kulkarni) मुंबईसोबत जोडला जाऊ शकतो. सध्या धवल आयपीएलमध्ये कॉमेंट्री करतोय. धवल मेगा ऑक्शनमध्ये अनसोल्ड राहिला होता. धवल मुळचा मुंबईकर आहे. त्याला वानखेडे, बेब्रॉन आणि डीवाय पाटील स्टेडियमबाबत खडानखडा माहिती आहे. त्यामुळे जर धवल मुंबईसह जोडला गेला, तर निश्चितच मुंबईला त्याच्या अनुभवाचा फायदा होईल.

धवल याआधीही 2011 मध्ये मुंबईकडून खेळला आहे. धवलने आयपीएलमधील 92 सामन्यात 86 विकेट्स घेतल्या होत्या. तेव्हा मुंबईने धवलला 75 लाख रुपयात खरेदी केलं होतं.  

तसेच धवलने 12 एकदिवसीय सामन्यात टीम इंडियाचं प्रतिनिधित्व केलं आहे. धवलने या 12 मॅचमध्ये 19 तर 2 टी 20 सामन्यात 3 विकेट्स घेतल्या आहेत.

रोहितचा बॉलिंगला धार देण्याचा प्रयत्न

टीओआयच्या रिपोर्टनुसार, मुंबईच्या बॉलिंगला धार देण्यासाठी रोहित धवलला टीमसोबत जोडत आहे. मुंबईच्या जसप्रीत बुमराह जयदेव उनाडकट आणि टाइमल्स मिल्सला आपल्या बॉलिंगने अजून छाप सोडता आलेली नाही. त्यामुळे रोहित धवलला टीममध्ये घेण्यासाठी आग्रही आहे.