सात तासानंतर सुरु झाले फेसबुक, व्हॉट्सअ‍ॅप, इन्स्टाग्राम आणि मेसेंजर

मुंबई : फेसबुक  (Facebook), इन्स्टाग्राम ( Instagram), व्हॉट्सअ‍ॅप ( WhatsApp) आणि मेसेंजर (Messenger) आता ऑनलाइन सेवा सुरु झाली आहे. रात्री नऊ वाजता बंद पडलेली ही सेवा रात्री चार वाजता सुरु झाली. फेसबुकचे संस्थापक मार्क झुकरबर्ग (Mark Zuckerberg) यांनी गैरसोय झाल्याबाबत दिलगिरी व्यक्त केली आहे. आज झालेल्या व्यत्ययाबद्दल क्षमस्व. (Sorry) मला माहित आहे की, तुम्ही आमच्या सेवांवर किती अवलंबून आहात ते. तुम्ही काळजी असलेल्या लोकांशी जोडलेले राहण्यासाठी, ही सेवा पूर्ववत झाली आहे, अशी पोस्ट झुकरबर्ग यांनी केली आहे.

समाज माध्यम प्लॅटफॉर्म  फेसबुक, व्हॉट्सअ‍ॅप, इन्स्टाग्राम आणि मेसेंजर जगभरातील अनेक ठिकाणी ठप्प झाले होते. (Facebook, Messenger, Instagram and WhatsApp are all down) यामुळे यूजर्सना अनेक अडचणींचा सामना करावा लागला होता. याबाबत व्हॉट्सअ‍ॅप, फेसबुकने दिलगिरी व्यक्त केली होती. माफ करा, काहीतरी चुकीचे झाले आहे. आम्ही ही समस्या सोडवण्याची काम करत आहोत. लवकरच सर्व काही सुरळीत होईल, असं फेसबुकने आपल्या मॅसेजमध्ये म्हटले होते. दरम्यान, पहाटे चार वाजता  मार्क झुकरबर्ग (Mark Zuckerberg) यांनी गैरसोय झाल्याबाबत दिलगिरी व्यक्त करत ही सेवा पूर्वत झाल्याची पोस्ट केली.

 फेसबुक, इन्स्टाग्राम, व्हॉट्सअ‍ॅप आणि मेसेंजर रात्री नऊ वाजता बंद पडल्यानंतर वेब आणि स्मार्टफोन या दोन्ही ठिकाणी तिन्ही अ‍ॅप चालत नव्हती. त्यामुळे यूजर्सना काय झाले तेच समजत नव्हते. त्यामुळे पुन्हा यूजर्स फोन मेसेजकडे वळलेत. मेसेज पाठविण्याकडे रात्रीपासून कल दिसून येत होता. फोन मेसेजच्या माध्यमातून संपर्क सुरु होता. 

We’re aware that some people are having trouble accessing Facebook app. We’re working to get things back to normal as quickly as possible, and we apologize for any inconvenience.

— Facebook App (@facebookapp) October 4, 2021

भारतात फेसबुकचे 410 दशलक्षाहून अधिक, व्हॉट्सअ‍ॅपचे 530 दशलक्षाहून अधिक वापरकर्ते आहेत. इन्स्टाग्रामचे भारतात 210 दशलक्षाहून अधिक वापरकर्ते आहेत. या तिन्ही सोशल मीडिया प्लॅटफॉर्मसाठी भारत मोठी बाजारपेठ आहे.

We’re aware that some people are experiencing issues with WhatsApp at the moment. We’re working to get things back to normal and will send an update here as soon as possible.

Thanks for your patience!

— WhatsApp (@WhatsApp) October 4, 2021