Realme चा 5G स्मार्टफोन अवघ्या 500 रुपयात! कसं ते जाणून घ्या

मुंबई: सध्या तंत्रज्ञानाचं युग असून प्रत्येकाच्या हाती आपल्याला स्मार्टफोन पाहायला मिळतो. स्मार्टफोनमुळे आपली कामं चुटकीसरशी पूर्ण होतात. त्यामुळे मोबाईलप्रेमींचं कायम नव्या पिढीच्या स्मार्टफोनकडे लक्ष असतं. आता 5 जी तंत्रज्ञानाचं युग असल्याने त्या पद्धतीचे स्मार्टफोन घेण्याकडे कल आहे. पण 5 जी तंत्रज्ञान असलेले स्मार्टफोन महाग असल्याने अनेक जण आखुडता हात घेतात. मात्र आता मोबाईलप्रेमींसाठी खुशखबर आहे. 3 जूनपासून फ्लिपकार्टवर बिग बचत सेल सुरु झाला आहे. यात स्मार्टफोन, लॅपटॉप आणि इलेक्ट्रॉनिक गॅझेट्स स्वस्तात मिळणार आहे. यात 16 हजार रुपयांचा Realme 5G स्मार्टफोन 500 रुपयांना खरेदी करता येईल, कसं ते जाणून घ्या 

Realme 9 5G हा स्मार्टफोन Rs 15,999 च्या किमतीत लाँच करण्यात आला होता. फ्लिपकार्टवरून खरेदी करताना कार्डने पैसे भरल्यास तुम्हाला एक हजार रुपयांची त्वरित सूट मिळेल. एवढेच नाही तर एचडीएफसी बँकेचे कार्ड वापरणाऱ्यांना दोन हजार रुपयांची सूट मिळणार आहे. अशाप्रकारे, तुम्ही हा स्मार्टफोन Rs 12,999 मध्ये खरेदी करण्यास सक्षम असाल. त्यानंतर तुमच्या जुन्या स्मार्टफोनच्या बदल्यात Realme 9 5G खरेदी करून तुम्ही रु. 12,500 पर्यंत बचत करू शकता. जर तुम्हाला या एक्सचेंज ऑफरचा पूर्ण फायदा मिळत असेल, तर ही ऑफर आणि सर्व बँक ऑफर जोडल्यानंतर तुमच्यासाठी या स्मार्टफोनची किंमत 499 रुपये असेल.

Realme 9 5G ची वैशिष्ट्ये

Realme 9 5G च्या व्हेरियंटमध्ये 4GB RAM आणि 64GB स्टोरेज आहे. 6.5-इंच फुल HD + LCD (LTPS) डिस्प्ले असलेल्या या स्मार्टफोनमध्ये तुम्हाला 5000mAh बॅटरी आणि 18W फास्ट चार्जिंग सपोर्ट दिला आहे. हा 5G स्मार्टफोन MediaTek Dimensity 810 chipset प्रोसेसरवर काम करतो आणि यामध्ये तुम्हाला ट्रिपल रियर कॅमेरा सेटअप दिला आहे. या कॅमेरा सेटअपमध्ये 48MP मुख्य सेन्सर, 2MP दुसरा सेन्सर आणि 2MP तिसरा सेन्सर समाविष्ट आहे. Realme 9 5G मध्ये तुम्हाला 16MP फ्रंट कॅमेरा देखील दिला आहे.