WhatsApp वर Delete झालेले मेसेज किंवा चॅट पुन्हा मिळवायचे असतील तर ही Trick वापर, फायदा तुमचाच

मुंबई : सोशल मीडिया प्लॅटफॉर्म आणि मेसेजिंग ऍप्सबद्दल बोलायचे झाले तर, व्हॉट्सऍपचे नाव सगळ्यात पहिल्या लिस्टमध्ये येते. व्हॉट्सऍपची लोकप्रियता जगभरात आहे. गेल्या काही महिन्यांत त्याच्या नवीन अपडेट्स आणि फीचर्समुळे त्याची लोकप्रियता वाढली आहे. या ऍपवर आता सर्व प्रकारची वैशिष्ट्ये उपलब्ध आहेत. कंपनी देखील आपले यूजर्स टिकवून ठेवण्यासाठी काहीना काही अपडेट करत असते. कधीकधी असे घडते की, आपल्याला ते संदेश किंवा चॅट आवश्यक आहेत जे आपण कधी-कधी चूकीने डीलीट करतो. तर काही वेळेला आपण डीलीट केलेल्या चॅटमधील आपल्या महत्वाचा संदेश असतो जो आपल्याला हवा असतो.

हे मेसेज डीलीट केल्यावरती पुन्हा मिळत नाहीत. परंतु आता व्हॉट्सऍपने असे फीचर आणले आहे ज्यामुळे तुम्हाला तुमची डीलीट झालेली माहिती आणि मेसेज पुन्हा मिळू शकतात.

हटविलेले संदेश कसे मिळवावे?

जर तुम्ही कोणतेही महत्त्वाचे मेसेज डिलीट केले असतील, तर ते क्लाउड द्वारे पुनर्प्राप्त केले जाऊ शकतात. व्हॉट्सऍपवर मेसेज आणि चॅटचा बॅक अप घेण्याचा पर्याय तेथे असतो, जेणेकरून व्हॉट्सऍप क्लाउडमध्ये तुमच्या मेसेजेसचा बॅकअप घेतला जाईल.

अँड्रॉइड स्मार्टफोनवर, हा बॅकअप दररोज रात्री 2 ते 4 वाजेदरम्यान होतो आणि अशा प्रकारे जर तुमचा फोन हरवला, तुटला किंवा तुमचे मेसेज किंवा चॅट्स डिलीट झाले, तर तुम्ही या व्हॉट्सऍप बॅकअपद्वारे ते पुन्हा मिळवू शकता.

चॅट बॅकअपशिवाय असे मेसेज मिळवा

जर तुम्ही व्हॉट्सऍपची चॅट बॅकअप सेवा वापरत नसाल आणि तुम्हाला तुमचा डीलीट झालेला मेसेज पुन्हा हवे असेल, तरी देखील तुम्ही ते मिळवू शकता. तुम्ही अँड्रॉइड स्मार्टफोन वापरकर्ता असल्यास, आपल्या स्मार्टफोनच्या स्थानिक बॅकअपमधून चॅट आणि संदेश देखील पुनर्प्राप्त करू शकता.

हे करण्यासाठी तुम्हाला तुमच्या अँड्रॉइड स्मार्टफोनच्या फाइल मॅनेजरकडे जावे लागेल, अँड्रॉइड फोल्डर शोधा आणि उघडा, त्यात व्हॉट्सऍप फोल्डर शोधा आणि निवडा.

त्यातील डेटाबेस फोल्डरवर जा. तेथे जाऊन, तुम्हाला जुन्या बॅकअप फोल्डरचे नाव बदलावे लागेल, उदा. ‘msgstore-YYYY-MM-DD.1.db.crypt12’ हे बदलून ‘msgstore.db.crypt12’ करा. अशाप्रकारे तुमच्या शेवटच्या बॅकअपपर्यंतचे मेसेज व्हॉट्सऍपवर आणले जातील.

अशाप्रकारे, या दोन युक्त्यांच्या मदतीने, आपण व्हॉट्सऍपवर मेसेज मिळवू शकता. लक्षात ठेवा तुम्ही ज्या दिवशी मेसेज किंवा चॅट पुनर्प्राप्त कराल, त्या दिवसापर्यंतचे मेसेज व्हॉट्सअॅपवर येतील आणि त्यानंतरचे मेसेज डिलीट केले जाऊ शकतात कारण तुम्ही जुन्या दिवसाच्या बॅकअपपर्यंत पोहोचाल.