काबुलमध्ये भारतीय दूतावासाजवळ स्फोट, ५० ठार
अफगाणिस्तानची राजधानी काबूल आज रमझानच्या पवित्र महिन्यात हादरलीय. सकाळी सकाळी शहाराच्या मध्यभागी झालेल्या कार स्फोटात ५० जण ठार झालेत.
)
नवी दिल्ली : अफगाणिस्तानची राजधानी काबूल आज रमझानच्या पवित्र महिन्यात हादरलीय. सकाळी सकाळी शहाराच्या मध्यभागी झालेल्या कार स्फोटात ५० जण ठार झालेत.
स्फोटाच्या स्थळापासून भारतीय दूतावास अवघ्या १.५ किलोमीटर अंतरावर आहे. स्फोटाचा आवाज इतका जबरदस्त होता की त्यामुळे दूतावासाच्या इमारतीचं बरंच नुकसान झालंय. सुदैवानं भारतीय दूतावासातल्या कुठल्याही कर्मचाऱ्याला इजा झालेली नसल्याचं स्पष्ट करण्यात आलंय.
Pictures of immediate aftermath of Kabul explosion, Afghan Health Ministry says 60 people wounded so far. pic.twitter.com/Jxjl6JTIIk
— ANI (@ANI_news) May 31, 2017
कारमध्ये बसलेल्या एका सुसाईड बॉम्बरनं स्वत:ला उडवून घेतल्याचं सांगितलं जातंय. अफगाणिस्तानच्या आंतरिक मंत्रालयाच्या माहितीनुसार, काबुलच्या ज्या भागात हा स्फोट झाला तिथं अनेक देशांचे दूतावास आहेत.