नाचता-नाचता गेला लोकांचा जीव; 500 वर्षांनंतरही नाही उलगडलं नाही रहस्य

फ्रान्स : जगभरात अशा अनेक घटना घडल्या आहेत ज्या एखाद्या रहस्यापेक्षा कमी नाहीत. कारण शेकडो वर्षे उलटून गेली तरी या रहस्यांचा उलगडा होऊ शकलेला नाही. आज आम्ही तुम्हाला अशाच एका रहस्यमय घटनेबद्दल सांगणार आहोत जी आजपासून सुमारे 500 वर्षांपूर्वी घडली होती आणि आजपर्यंत त्याचं गूढ उकलेलं नाही.

या रहस्यमयी घटनेत नाचताना अनेकांचा मृत्यू झाला. पण प्रत्येकाला हे जाणून घ्यायचं आहे की, शेवटी नाचताना एखाद्याचा मृत्यू कसा होऊ शकतो. हे प्रकरण 1518 सालचं आहे.

अल्सेसच्या स्ट्रासबर्गमध्ये अशीच एक महामारी पसरली, ज्याला आपण आता फ्रान्स म्हणून ओळखतो, जे जाणून तुम्हाला आश्चर्य वाटेल. आजपासून सुमारे 500 वर्षांपूर्वी आलेल्या नृत्याच्या महामारीने फ्रान्समध्ये अनेकांचे बळी गेले.

या महामारीमुळे सुमारे 400 लोकांचा मृत्यू झाल्याचं सांगण्यात येतं. 1518 च्या जुलै महिन्यात एका तरुणीने अचानक नाचायला सुरुवात केली आणि ती नाचत असताना तिचं भान हरपले. या मुलीचे नाव फ्राऊ ट्रॉफी होतं.

फ्राऊ ट्रॉफी नाचण्यात एवढी तल्लीन झाली होती की, तिने घराबाहेर गल्लीत डान्स केला. फ्राऊ ट्रॉफीला नाचताना पाहून लोक आश्चर्यचकित झालं, त्यानंतर तिचं कुटुंब तिथे पोहोचलं. ट्रॉफी समजावून सांगण्यासाठी आलेले नातेवाईकंही नाचू लागले. त्यानंतर तेथे लोकांची गर्दी झाली. नाचताना अचानक लोकांचा मृत्यू झाला. या घटनेनंतर फ्रान्समध्ये खळबळ उडाली.

आता यानंतर अनेक भागात लोकं नाचू लागले. लोकांची नाचण्याची थांबत नव्हती. यानंतर पीडितांना रुग्णालयात दाखल करण्यात आलं. शास्त्रज्ञांनी या रहस्यमय घटनेला डान्सिंग प्लेग असं नाव दिलं. मात्र, आजही अनेक शास्त्रज्ञ या घटनेला काल्पनिक मानतात आणि म्हणतात की, नाचत असताना एखाद्याचा मृत्यू कसा होऊ शकतो.