न्यूझीलंडमध्ये कोरोनाचे फक्त २ बळी, ३९ वर्षांच्या महिला पंतप्रधानांनी मिळवले नियंत्रण

मुंबई : जगातील काही देश कोरोना विषाणू विरूद्धच्या लढ्यात खूप पुढे गेले आहेत. यामध्ये न्यूझीलंडचा देखील समावेश आहे. न्यूझीलंडमध्ये कोरोना विषाणूची लागण सलग चार दिवसांपासून कमी होत आहे. गुरुवारी न्यूझीलंडमध्ये कोरोना विषाणूच्या संसर्गाची एकूण २९ नवीन आणि संभाव्य प्रकरणे नोंदली गेली. न्यूझीलंडमध्ये आतापर्यंत एकूण १३३२ संक्रमणांची नोंद झाली असून २ जणांचा मृत्यू झाला आहे. कोरोना विषाणूमुळे संक्रमित ३१७ लोकं बरे झाले आहेत.

न्यूझीलंडची लोकसंख्या केवळ ५ दशलक्ष आहे. येथे १५ दिवसांचा लॉकडाउन पूर्ण झाला असून तो मोठ्या प्रमाणात यशस्वी होतानाही दिसतोय. न्यूझीलंडच्या पंतप्रधान जेसिंडा आर्डेन यांनी गुरुवारी म्हटले की, आम्ही हळू हळू परिस्थिती नियंत्रित करण्याच्या दिशेने वाटचाल करत आहोत आणि आमची योजना कार्यरत आहे.

न्यूझीलंड लॉकडाऊन काढण्याबाबत घाईत नाही, कारण कोरोना विषाणूपासून थोडा दिलासा मिळाल्यानंतरच लॉकडाउन काढून टाकण्याबाबत पावले उचलली जातील. डेन्मार्कमध्ये कोरोना विषाणूच्या संसर्गाची ५५९७ रुग्ण आहेत. तर २१८ लोकांना मृत्यू झाला आहे. डेन्मार्कने असे म्हटले आहे की, कोरोना विषाणूचे संक्रमण बंद झाल्य़ानंतरच ते पुढच्या आठवड्यापासून लॉकडाउन काढण्यास सुरुवात करतील.

न्यूझीलंडच्या पंतप्रधान जेसिंडा आर्डेन यांनी गुरुवारी सांगितले की, 'सीमेवर कडक निर्बंध आणले आहेत. जो कोणी बाहेरून देशात प्रवेश करतो, त्यांना दोन आठवडे सरकारी सुविधा देण्यात येईल. हा नियम फक्त न्यूझीलंडमधील रहिवाशांना लागू होईल, २० मार्चपासून परदेशी नागरिकांच्या प्रवेशावर बंदी आहे.'

आर्डेन म्हणाल्या की, १५ दिवसांचे लॉकडाऊन पाहता न्यूझीलंडच्या लोकांनी मोठे काम केले आहे असे मला वाटते. तुम्ही सर्वांनी एकत्र येऊन निर्णय  घेतला आणि एकमेकांना सुरक्षित केले. आपण बरेच लोकांचे जीव वाचवले.'

कोरोना विषाणूविरूद्ध लढ्यात न्यूझीलंडकडे दोन महत्त्वपूर्ण शस्त्रे आहेत - भौगोलिक स्थान आणि वेळेवर निर्णय. २ फेब्रुवारीला न्यूझीलंडमध्ये कोरोना विषाणूच्या संसर्गाचा पहिला रुग्ण आढळला होता. तर २ मार्च रोजी अमेरिकेत कोरोना विषाणूच्या संसर्गाचा पहिला रुग्ण आढळला होता.  परंतु त्यानंतर आतापर्यंत मृत्यूचं प्रमाण थांबलं नाही.

ओटेगा विद्यापीठाच्या सार्वजनिक आरोग्य विभागाचे प्राध्यापक मायकेल बेकर यांनी न्यूझीलंड सरकारला कोरोना विषाणूपासून बचाव करण्यासाठी मदत केली आहे. सीएनएनशी बोलताना ते म्हणाले, मला वाटते आम्हाला विचार करण्यासाठी पुरेसा वेळ मिळाला आणि आम्ही चीनमधील परिस्थितीवरुन बरेच काही शिकलो.

न्यूझीलंड हे एक बेट आहे आणि आता जगापासून ते वेगळे झाले आहे, असे ऑकलंड युनिव्हर्सिटीचे मायक्रोबायोलॉजिस्ट सिओक्सी विल्स यांनी सांगितले. अन्य देशांच्या तुलनेत न्यूझीलंडला कमी उड्डाणे मिळतात. आर्डेन यांनी त्याला प्लस पॉईंट देखील म्हटले. गुरुवारी आर्डेन म्हणाले की, न्यूझीलंडचे बेट विषाणूपासून बचाव करण्यासाठी खूप उपयुक्त ठरले. बेकर म्हणतात, तथापि, खरं कारण असा आहे की न्यूझीलंडमधील वैज्ञानिक दृष्टीकोन आणि चांगल्या नेतृत्वातून या साथीवर मात केली गेली आहे. न्यूझीलंडने आजवर ५१,१६५ चाचण्या घेतल्या आहेत. लोकसंख्येच्या १३ पट अधिक असलेल्या न्यूझीलंडमध्ये केवळ २ लाख चाचण्या यूकेमध्ये झाल्या आहेत.

१४ मार्च रोजी आर्डेन म्हणाल्या होत्या की, देशात येणार्‍या प्रत्येक व्यक्तीला दोन आठवड्यांसाठी वेगळं ठेवणे आवश्यक आहे. तोपर्यंत, संपूर्ण जगात अशा कठोर निर्बंधांची अंमलबजावणी केली गेली नव्हती. त्यावेळी न्यूझीलंडमध्ये कोरोना विषाणूच्या संसर्गाची केवळ ६ प्रकरणे होती. १९ मार्च रोजी आर्डेन यांनी आपल्या देशात परदेशी प्रवेश करण्यास बंदी घातली. तेव्हा फक्त २८ प्रकरणे नोंदवली गेली. २३ मार्च रोजी आर्डेन यांनी देशात लॉकडाऊन जाहीर केला होता.