यूक्रेननंतर आता रशिया या देशाच्या विरोधात अॅक्शन मोडमध्ये

मुंबई : फिनलँड आणि नाटोची जवळीक रशियासाठी त्रासदायक ठरत आहे. फिनलँडला हे भारी पडू शकतं. नाटो संघटनेत सहभागी होणार असल्याच्या फिनलँडच्या घोषणेनंतर रशिया कारवाईच्या मूडमध्ये आहे. अलीकडेच, फिनलंडने जाहीर केले की ते नाटोमध्ये सामील होण्यास सकारात्मक आहेत. रशियाने फिनलँडसोबत युद्ध घोषित केलेले नाही. शनिवारी फिनलँडला होणारा वीजपुरवठा बंद करणार असल्याचे रशियाने म्हटले आहे. 

रशियन परराष्ट्र मंत्रालयाने म्हटले आहे की, या धोक्यांना तोंड देण्यासाठी लष्करी, तांत्रिक आणि इतर आवश्यक पावले उचलण्यास बांधील आहोत. यामागे रशियाचा तर्क असा आहे की त्याने विजेचे शेवटचे पैसे दिलेले नाहीत. रशियाने वीजपुरवठा खंडित केल्यास संपूर्ण फिनलँड अंधारात बुडून जाईल. रशियाच्या या वाटचालीकडे नाटोशी असलेल्या संबंधांबाबत पाहिले जात आहे.

1- फिनलंडचे ग्रिड ऑपरेटर फिंगेरिडने एका निवेदनात सांगितले की, स्थानिक वेळेनुसार दुपारी 1 वाजल्यापासून वीजपुरवठा बंद केला जाईल. फिनलंडच्या एकूण वापराच्या 10 टक्के वाटा असलेल्या रशियाकडून पुरवठा आणि विजेला कोणताही धोका नसल्याचे फिंगेरिडने सांगितले. ऑपरेटरने सांगितले की, रशियन वीज कपात स्वीडनमधून वीज आयात करून आणि देशांतर्गत उत्पादनाद्वारे पूर्ण केली जाऊ शकते. रशियाच्या अध्यक्षीय कार्यालयाने, क्रेमलिनने हे स्पष्ट केले आहे की रशिया फिनलँडच्या नाटोमध्ये सामील होण्याच्या निर्णयाला धोका म्हणून पाहतो.

2- फिनलँड आणि स्वीडन नॉर्थ अटलांटिक ट्रीटी ऑर्गनायझेशन (NATO) मध्ये सामील झाल्याच्या घोषणेने उत्तर युरोपातील वातावरण अतिशय तणावपूर्ण बनले आहे. रशियन अध्यक्षीय कार्यालयाने याला धोका असल्याचे म्हटले आणि ते प्रत्युत्तर देणार असल्याचे जाहीर केले. दरम्यान, फिनलँडला धडा शिकवण्यासाठी पुतिन बाल्टिक प्रदेशात आपली आण्विक शक्ती आणखी मजबूत करू शकतात, असा दावा रशियातील ब्रिटनचे माजी राजदूत करत आहेत

फिनलँडने नाटो सदस्यत्वासाठी अर्ज करणार असल्याचे जाहीर केले होते. स्वीडन लवकरच फिनलँडचा मार्ग अवलंबेल आणि नाटो सदस्यत्वासाठी अर्ज करेल अशी अपेक्षा आहे. फिनलँड आणि स्वीडनच्या या हालचालीमुळे पाश्चात्य देश नाटोच्या लष्करी संघटनेचा विस्तार होईल आणि रशियाच्या सीमेच्या जवळ पोहोचेल. तेही जेव्हा पुतिन यांनी रशियाच्या सीमेवर नाटोचा प्रवेश रोखण्यासाठी युक्रेनवर हल्ला केला.

रशियाशी लांबलचक जमीन सीमा जुडलेला फिनलँड जर नाटोमध्ये सामील झाला तर नाटोची रशियाशी असलेली सीमा दुप्पट होईल. त्यामुळे रशियाने लष्करी कारवाईचा इशारा दिला आहे. युक्रेनचे राष्ट्राध्यक्ष झेलेन्स्की यांनी नुकतेच सांगितले की जर त्यांचा देश युद्धापूर्वी नाटोमध्ये सामील झाला असता तर हे युद्ध झाले नसते. युक्रेनने नाटोमध्ये सामील होण्याच्या घोषणेनंतर रशियासोबतचा तणाव सुरू झाला, ज्याचे नंतर भयंकर युद्धात रूपांतर झाले, ज्याला रशियाने 'लष्करी कारवाई' म्हटले.

गेल्या अनेक दशकांतील युरोपच्या सुरक्षेत हा मोठा बदल असणार आहे. संपूर्ण शीतयुद्धात फिनलँड आणि स्वीडन तटस्थ होते, परंतु युक्रेनमधील युद्धानंतर हे दोन देश पूर्णपणे पाश्चात्य छावणीकडे जात आहेत.