कोरोनाचा नाश होण्यास वेळ लागेल पण इतर आजारांचा धोका वाढला- WHO

नवी दिल्ली : जागतिक आरोग्य संघटनेचे प्रमुख टेड्रोस अ‍ॅड्नॉम यांनी म्हटले आहे की, कोरोना विषाणूचा महामारी संपण्यास आता वेळ लागेल. साथीचा रोग पाहून त्यांनी मुलांविषयी चिंता व्यक्त केली. टेड्रोस अ‍ॅड्नॉम म्हणाले, कोविड -१९ मुळे मृत्यूची संख्या वाढत आहे. मुलांची चिंता वाटत आहे. कारण कोरोनाचा इतर आरोग्य सेवांवर परिणाम होत आहे. कोविड -१९ मुळे मृत्यूचा धोका कमी आहे. पण इतर आजारांमुळे मृत्यूचा धोका वाढला आहे. पण हे लसद्वारे प्रतिबंधित केले जाऊ शकते.

डब्ल्यूएचओ प्रमुख म्हणाले की, जीएव्हीआय ग्लोबल नावाच्या वॅक्सीन अलायन्सचा अंदाज आहे की, 21 देश असे आहेत जे वॅक्सीन नसल्याची तक्रार करीत आहेत कारण कोरोनामुळे सीमा बंद झाल्या आहेत आणि वाहतुकीचे कोणतेही साधन उपलब्ध नाही. सहारा-आफ्रिकेच्या देशांमध्ये मलेरिया सारखा आजार वाढू शकतो. लॉक़डाऊनमुळे जर औषधं पोहोचली नाही तर त्यामुळे येथे मलेरियामुळे मृत्यूंची संख्या दुप्पटीने वाढण्याची शक्यता आहे.

युरोपीय देशांमध्ये कोरोना रूग्णांची संख्या काही प्रमाणात कमी झाली आहे, ज्यामुळे लॉकडाउनमध्ये सूट दिली जात आहे, परंतु या देशांना आवाहन करण्यात आले आहे की, रुग्ण शोधा, चाचणी घ्या आणि त्यांच्या संपर्कात आलेल्या लोकांना शोधा जेणेकरुन रुग्णांची संख्या आणखी कमी करता येईल. कोरोनाचा नाश होण्यास वेळ लागेल. डब्ल्यूएचओने आफ्रिका, पूर्व युरोप, लॅटिन अमेरिका आणि आशियाई देशांमध्ये साथीच्या वाढत्या प्रादुर्भावाविषयी अधिक चिंता व्यक्त केली आहे.