2000 ரூபாய் நோட்டுக்கு தடை: கடந்த 2016 ஆம் ஆண்டு ரூ.500, ரூ.1000 நோட்டுக்கள் கறுப்புப் பணம் மற்றும் ஊழலை ஒழிக்கும் பொருட்டு இந்திய ரிசர்வ் வங்கியால் செல்லாததாக்கப்பட்டது, இந்த பணமதிப்பிழப்பு அறிவிப்பை இந்திய பிரதமர் நரேந்திர மோடி அறிவித்தார். அப்போது பழைய ரூ.500 மற்றும் ரூ.1000 நோட்டுக்களின் பணமதிப்பிழப்பு நடவடிக்கைக்கு பிறகு புதிய ரூ.500 மற்றும் ரூ.2000 நோட்டுக்கள் புழக்கத்திற்கு கொண்டு வரப்பட்டது. இதற்கிடையில் தற்போது புழக்கத்தில் இருந்து வரும் 2000 ரூபாய் நோட்டுகளை திரும்பப் பெறுவதாக கடந்த வெள்ளிக்கிழமை இந்திய ரிசர்வ் வங்கி அறிவித்துள்ளது. இதையடுத்து உடனடியாக அமலுக்கு வரும் வகையில், 2000 ரூபாய் நோட்டுகளை வெளியிட வேண்டாம் என வங்கிகளுக்கு ரிசர்வ் வங்கி உத்தரவிட்டது.
இந்த நிலையில் 2000 ரூபாய் நோட்டுகளை டெபாசிட் செய்து மாற்றும் பணி செவ்வாய்க்கிழமை (மே 23) இன்று முதல் தொடங்குகிறது. எந்த வங்கிக்கும் சென்று நோட்டுகளை மாற்றிக்கொள்ளலாம். மத்திய அரசின் இந்த முடிவுக்கு எதிர்க்கட்சிகள் கடும் கண்டனம் தெரிவித்துள்ளன. அதேசமயம் பாஜக தரப்பிலும் பதில் தாக்குதல் நடத்தப்பட்டு வருகிறது. இதற்கிடையில், 2000 நோட்டுகள், செப்டம்பர் 30-ந் தேதி வரை செல்லும் என்றும், அதற்குள் வங்கியில் கொடுத்து மாற்றிக்கொள்ளலாம் அல்லது வங்கி கணக்கில் டெபாசிட் செய்யலாம் என்றும் ரிசர்வ் வங்கி கூறியுள்ளது. மேலும் வங்கி கணக்கில் ரூ.50 ஆயிரம் அல்லது அதற்கு மேல் டெபாசிட் செய்தால், வருமானவரி தேவைக்காக 'பான்' எண்ணை குறிப்பிடுவது நடைமுறையில் இருக்கிறது. 2,000 ரூபாய் நோட்டுகளை பயன்படுத்தி, ரூ.50 ஆயிரம் டெபாசிட் செய்வதற்கும் அது பொருந்தும்.
1. ரூ.2000 நோட்டு வாபஸ் பெறப்படும் என இந்திய ரிசர்வ் வங்கி அறிவித்திருந்த நிலையில், இந்த சட்டப்பூர்வ கரன்சியை மே 23 முதல் செப்டம்பர் 30 வரை வங்கிகளில் டெபாசிட் செய்யலாம் என்று கூறியிருந்தது. இது தவிர, அவற்றையும் மாற்றலாம். ஒரே நேரத்தில் 10 நோட்டுகள் மட்டுமே மாற்றப்படும்.
2. 2000 ரூபாய் நோட்டை புழக்கத்தில் இருந்து நீக்கும் நடவடிக்கை சுத்தமான நோட்டுக் கொள்கையின் ஒரு பகுதி என்று ரிசர்வ் வங்கி ஆளுநர் சக்திகாந்த தாஸ் திங்கள்கிழமை தெரிவித்தார். இதனுடன், 2000 நோட்டு செல்லுபடியாகும் கரன்சியாக இருக்கும் என்று அவர் தெளிவுபடுத்தினார். மக்கள் தங்களிடம் உள்ள 2000 ரூபாய் நோட்டுகளை வங்கியில் டெபாசிட் செய்யவோ அல்லது மாற்றவோ போதுமான அவகாசம் உள்ளது, எனவே யாரும் பீதியடைய வேண்டாம் என்றார்.
3. நோட்டுகளை மாற்றுவதற்கு போதுமான எண்ணிக்கையில் குறைந்த மதிப்புள்ள நோட்டுகள் இருப்பதாக கவர்னர் கூறினார். இதற்கிடையில், எஸ்பிஐ தனது அனைத்து கிளைகளுக்கும் ஒரு வழிகாட்டுதலை வெளியிட்டது, வாடிக்கையாளர் நோட்டுகளை மாற்றுவதற்கு எந்த படிவமும் அடையாள அட்டையும் தேவையில்லை. பொது மக்களுக்கு ரூ.2,000 நோட்டுகளை ஒரே நேரத்தில் மொத்தம் ரூ.20,000 வரை மாற்ற எந்த படிவமும் தேவையில்லை.
4. ரிசர்வ் வங்கி அத்தகைய நோட்டுகளை தனது கணக்கில் டெபாசிட் செய்வதற்கு எந்த வரம்பையும் நிர்ணயிக்கவில்லை. இது உங்கள் வாடிக்கையாளரை அறிந்து கொள்ளுங்கள் (KYC) விதிமுறைகள் மற்றும் பொருந்தக்கூடிய பிற சட்டப்பூர்வ தேவைகளைப் பூர்த்தி செய்வதற்கு உட்பட்டது. நோட்டுகளை மாற்றுவதற்கு ஒருவர் எத்தனை முறை வேண்டுமானாலும் வரிசையில் நிற்கலாம். நோட்டை மாற்றுவதற்கு கட்டணம் எதுவும் செலுத்த வேண்டியதில்லை.
5. 2000 ரூபாய் நோட்டுகளின் தரவை வைத்திருக்க, வங்கி டெபாசிட் மற்றும் பரிமாற்றத்திற்கான படிவத்தை நிரப்ப வேண்டும் என்று ரிசர்வ் வங்கி கூறியுள்ளது. வங்கிகள் டெபாசிட் செய்து மாற்றப்படும் 2000 நோட்டுகளின் விவரங்களை தினமும் வைத்திருக்க வேண்டும். வங்கியின் பெயர், தேதி, நோட்டு மாற்றத்தின் அளவு மற்றும் மொத்தத் தொகை இந்தப் படிவத்தில் நிரப்பப்படும். வங்கி ஊழியர்கள் இந்தப் படிவத்தை நிரப்புவார்கள், வாடிக்கையாளர் அல்ல.
6. நோட்டுகளை மாற்ற அல்லது டெபாசிட் செய்ய வரும் மக்களை கொளுத்தும் வெப்பத்தில் இருந்து பாதுகாக்க ஷெட்களை ஏற்பாடு செய்யுமாறு வங்கிகளுக்கு இந்திய ரிசர்வ் வங்கி அறிவுறுத்தியுள்ளது. இத்துடன் வரிசையில் நிற்கும் மக்களுக்கு குடிநீருக்கும் ஏற்பாடு செய்ய வேண்டும். வங்கிகள் கவுன்டரில் சாதாரண முறையில் நோட்டுகளை மாற்றும் வசதியை ஏற்படுத்துமாறு கேட்டுக் கொள்ளப்பட்டுள்ளது.
7. மொத்த கரன்சி புழக்கத்தில் 2,000 ரூபாய் நோட்டுகளின் பங்களிப்பு, வெறும் 10.8 சதவீதம்தான். இதனால் புழக்கத்தில் இருந்து ரூ.2000 நோட்டை திரும்பப் பெறுவது பொருளாதாரத்தில் மிகக் குறைந்த தாக்கத்தையே ஏற்படுத்தும் என்று ரிசர்வ் வங்கி ஆளுநர் சக்திகாந்த தாஸ் கூறினார். இந்த மதிப்பின் பெரும்பாலான நோட்டுகள் திட்டமிடப்பட்ட காலக்கெடுவான செப்டம்பர் 30க்குள் திருப்பித் தரப்படும் என்று எதிர்பார்க்கப்படுகிறது.
8. வங்கி கணக்கில் ரூ.50 ஆயிரம் அல்லது அதற்கு மேல் டெபாசிட் செய்தால், வருமானவரி தேவைக்காக 'பான்' எண்ணை குறிப்பிடுவது நடைமுறையில் இருக்கிறது. 2,000 ரூபாய் நோட்டுகளை பயன்படுத்தி, ரூ.50 ஆயிரம் டெபாசிட் செய்வதற்கும் அது பொருந்தும்.
9. 1,000 ரூபாய் நோட்டுகள் மீண்டும் அறிமுகம் செய்யப்படுமா?'' என்று நிருபர்கள் கேட்டதற்கு, ''இது யூகமான கேள்வி. இப்போதைக்கு அந்த திட்டம் இல்லை'' என்று சக்திகாந்த தாஸ் கூறினார்.
10. இதற்கிடையில், பெட்ரோல் பம்புகளில் பணம் செலுத்தி எரிபொருள் வாங்குவதில் ரூ.2000 நோட்டுகளின் பயன்பாடு 90 சதவீதம் அதிகரித்துள்ளது. மேலும் வாடிக்கையாளர்கள் 100-200 ரூபாய் நோட்டை பெற 2000 ரூபாய் நோட்டை பயன்படுத்துகின்றனர். இதனால் பெட்ரோல் பங்க்குகளில் ரூ.100 மற்றும் ரூ.500 நோட்டுகளுக்கு தட்டுப்பாடு ஏற்பட்டுள்ளது.
மேலும் படிக்க | RD திட்டங்களிலும் நல்ல லாபம்... எந்தெந்த வங்கிகளில் எவ்வளவு வட்டி விகிதம்?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
