Rahul Gandhi In Leh Ladakh: காங்கிரஸ் மக்களவை உறுப்பினரான ராகுல் காந்தி மோட்டார் சைக்கிளில் லே-லடாக் பகுதிக்கு சென்றபோது புகழ்பெற்ற பாங்கோங் சோ ஏரியை பார்வையிட்டுள்ளார். இன்ஸ்டாகிராமில் புகைப்படங்களைப் பகிர்ந்துள்ள ராகுல் காந்தி, பாங்காங் ஏரியின் அழகைப் பாராட்டி பதிவிட்டுள்ளார்.
மேலும், அதில் தனது தந்தை ராஜீவ் காந்தி, இந்த ஏரி உலகின் மிக அழகான இடங்களில் ஒன்றாகும் என்று குறிப்பிட்டதையும் பகிர்ந்துகொண்டுள்ளார். படங்களில் காணப்படுவது போல், ராகுல் காந்தி KTM 390 அட்வென்ச்சர் மோட்டார் பைக்கில் பாங்கோங் ஏரிக்கு சென்றுள்ளார். அவர் அனைத்து KTM 390 ADV மோட்டார் சைக்கிள்களின் கான்வாய்யுடன் ஆரஞ்சு - கருப்பு நிற பைக்கை ஓட்டினார்.
பாராட்டுக்குரிய விஷயம் என்னவென்றால், காங்கிரஸ் எம்பியும் சோனியா காந்தியின் மகனுமான ராகுல் காந்தி, சரியான பைக்கிங் கியர் அணிந்து, நாட்டின் இளைஞர்களுக்கு மிகச்சிறந்த சாலைப் பாதுகாப்புக்கு எடுத்துக்காட்டாக விளங்கியுள்ளார். பயணத்தின் போது நீரேற்றமாக இருக்க தண்ணீருடன் கூடிய பேக் உடன் சவாரி செய்யும் பூட்ஸ், ஹெல்மெட் ஆகியவற்றை அணிந்திருந்தார்.
பாங்கோங் சோ அல்லது பாங்கோங் ஏரி என்பது 3 இடியட்ஸ் திரைப்படத்தில் காட்சிப்படுத்தப்பட்ட மக்களின் நினைவில் நீங்கா இடம்பிடித்த ஏரியாகும், மேலும் இது இந்தியாவின் வடக்குப் பகுதியில் உள்ள சுற்றுலாப் பயணிகளுக்கு மிகவும் பிடித்த இடமாகும். கிழக்கு லடாக் மற்றும் மேற்கு திபெத்தில் பரவியுள்ள இந்த ஏரி 4,225 மீ (13,862 அடி) உயரத்தில் அமைந்துள்ளது மற்றும் ஒட்டுமொத்த ஏரியின் நீளத்தில் சுமார் 50% சீனாவின் திபெத்தில் உள்ளது இங்கு குறிப்பிடத்தக்கது.
இன்ஸ்டாகிராம் பதிவு:
ராகுல் காந்தி தனது இரண்டு நாள் லடாக் பயணத்தின் போது லேவில் நடந்த ஒரு நிகழ்ச்சியில் இளைஞர்களுடன் உரையாடினார் என்று தெரிவிக்கப்பட்டுள்ளது. கடந்த 2019ஆம் ஆண்டு ஆக. 5ஆம் தேதி அன்று சட்டப்பிரிவு 370 மற்றும் 35 (A) நீக்கப்பட்டதைத் தொடர்ந்து, ஜம்மு காஷ்மீர், லடாக் மற்றும் ஜே-கே என இரண்டு யூனியன் பிரதேசங்களாகப் பிரிக்கப்பட்ட பிறகு, லடாக்கிற்கு ராகுல் மேற்கொள்ளும் முதல் பயணம் இதுவாகும்.
இந்நிகழ்ச்சியில் ராகுல் காந்தி பேசுகையில்," இந்தியாவில் 1947ஆம் ஆண்டில் சுதந்திரம் கிடைத்தது, இந்தியாவில் சுதந்திரத்தை உறுதிப்படுத்துவது அரசியலமைப்புச் சட்டம். அரசியலமைப்பு ஒரு நகர்வு. அரசியலமைப்பின் பார்வைக்கு ஆதரவான நிறுவனங்களை அமைப்பதன் மூலம் நீங்கள் அரசியலமைப்பை செயல்படுத்துவதற்கான வழி. லோக்சபா, மற்றும் ராஜ்யசபா, இந்த அனைத்து கூறுகளையும் கட்டாயப்படுத்துகிறது. இப்போது ஆர்எஸ்எஸ் செய்து கொண்டிருப்பது, நிறுவன கட்டமைப்பின் முக்கிய இடங்களில் அதன் சொந்த உறுப்பினர்களை வைப்பதுதான்" என்றார்.
ராகுல் காந்தியின் லடாக் சுற்றுப்பயணம் ஆகஸ்ட் 25ஆம் தேதி வரை நீட்டிக்கப்பட்டுள்ளதாக அக்கட்சி வட்டாரங்கள் கடந்த வியாழக்கிழமை (ஆக. 17) தெரிவித்தன. தனது தந்தையும் முன்னாள் பிரதமருமான ராஜீவ் காந்தியின் பிறந்தநாளை ஆகஸ்ட் 20ஆம் தேதி பாங்கோங் ஏரியில் ராகுல் கொண்டாட உள்ளதாக கட்சி வட்டாரங்கள் தெரிவிக்கின்றன. அவர் தங்கியிருக்கும் காலத்தில் கார்கில் நினைவிடத்துக்குச் சென்று இளைஞர்களுடன் உரையாடுவார் என்றும் கூறப்படுகிறது. கடந்த ஜனவரி மாதம், ராகுல் காந்தி தனது பாரத் ஜோடோ யாத்திரையின் போது ஜம்மு மற்றும் ஸ்ரீநகருக்குச் சென்றார். பிப்ரவரியில் மீண்டும் தனிப்பட்ட பயணமாக, குல்மார்க் ஸ்கை ரிசார்ட்டுக்குச் சென்றது நினைவுக்கூரத்தக்கது.
மேலும் படிக்க | லேடீஸ் டாய்லெட்டில் புர்காவுடன் புகுந்த ஆண்... 23 வயதான ஐடி ஊழியரின் வினோத செயல்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
