Strom R3 Launch: பெட்ரோல்-டீசல் விலை அதிகரிப்பு மக்களை பாடாய் படுத்தி வருகிறது. இந்த சூழ்நிலையில், மின்சார வாகனங்கள் மீதான ஈர்ப்பு அதிகரித்து வருகிறது. மின்சார பைக்குகள் மற்றும் மின்சார கார்களின் விற்பனையும் அதிகரித்து வருகிறது. இதனால் வாகன உற்பத்தி நிறுவனங்கள் இப்போது மின்சார வாகன உற்பத்தியில் அதிக கவனம் செலுத்தி வருகிறார்கள்.
இதற்கிடையில், மும்பையில் ஒரு ஸ்டார்ட் அப் நிறுவனம் ஒரு புதிய மின்சார காரை அறிமுகப்படுத்தியுள்ளது. இது உலகின் மிகவும் மலிவான மின்சார கார் (Electric Car) என்று வர்ணிக்கப்படுகிறது. இந்த காரின் முன்பதிவும் தொடங்கப்பட்டுள்ளது. மிக முக்கியமான விஷயம் என்னவென்றால், இந்த காரில் மூன்று சக்கரங்கள் மட்டுமே உள்ளன. இந்த வித்தியாச காரைப் பற்றி தெரிந்து கொள்வோம்.
Strom R3-ன் முன்பதிவு தொடங்கியது
Strom Motors இந்த அற்புத தோற்றம் கொண்ட மின்சார காரை (Electric Car) அறிமுகப்படுத்தியுள்ளது. அதற்கு Strom R3 என்று பெயரிடப்பட்டுள்ளது. நிறுவனம் இந்தியாவில் இந்த காருக்கான முன்பதிவையும் தொடங்கி விட்டது. மும்பை மற்றும் டெல்லி-என்.சி.ஆரில் ஸ்ட்ரோம் ஆர் 3 ஐ வெறும் ரூ .10,000 செலுத்தி முன்பதிவு செய்யலாம். இந்த மலிவு விலை கார் பல சிறப்பு அம்சங்களைக் கொண்டுள்ளது.
காரின் அற்புதமான தோற்றம்
இந்த காரின் தோற்றம் உங்களை அதன் பக்கம் ஈர்க்கும். இந்த மின்சார காரில் மூன்று சக்கரங்கள் உள்ளன. ஆனால் அதன் தோற்றம் ஒரு முச்சக்கர வண்டி போல் இல்லை. இதன் பின்புறத்தில் ஒரு சக்கரமும், முன்பக்கம் இரண்டு சக்கரங்களும் உள்ளன. இது ஒரு அற்புதமான தோற்றத்தைக் கொண்டுள்ளது. Strom R3 மின்சார காரைப் பார்த்து யாராலும் வியக்காமல் இருக்க முடியாது. இந்த சிறிய மூன்று சக்கர கார் உலகின் மலிவான மின்சார கார் என்று கூறப்படுகிறது.
ALSO READ: Best Electric Cars: ஒரே சார்ஜில் நீண்ட தூர பயணம், சூப்பர் கார்களின் பட்டியல் இதோ
ஒரே சார்ஜில் சுமார் 200 கி.மீ பயணம்
இந்த காரின் (Cars) முன்பதிவு அடுத்த சில வாரங்களுக்கு திறந்திருக்கும் என்று ஸ்ட்ரோம் மோட்டார்ஸ் தெரிவித்துள்ளது. இதனுடன், துவக்க கட்டத்தில் முன்பதிவு செய்யும் வாடிக்கையாளர்களுக்கு ரூ .50,000 மதிப்புள்ள அப்கிரேட்சுக்கான நன்மைகளும் வழங்கப்படும். தனிப்பயனாக்கப்பட்ட வண்ண விருப்பங்கள், பிரீமியம் ஆடியோ அமைப்பு மற்றும் மூன்று ஆண்டுகளுக்கு இலவச பராமரிப்பு ஆகியவை இதில் அடங்கும். ஸ்ட்ரோம் ஆர் 3 ஒரே சார்ஜில், 200 கி.மீ தூரம் பயணிக்கும் என்று நிறுவனம் தெரிவித்துள்ளது. இது 4 ஜி இணைக்கப்பட்ட கண்டறியும் இயந்திரத்தைக் (Diagnostic Design) கொண்டுள்ளது. இது டிரைவருக்கு டிராக் இருப்பிடம் மற்றும் சார்ஜின் நிலையைக் காட்டுகிறது.
இதுதான் துவக்க விலை
இரண்டு இருக்கைகள் கொண்ட எலக்ட்ரிக் காரை இந்த ஆண்டு முன்பதிவு செய்தால் இதன் விநியோகம் 2022 முதல் தொடங்கும் என்று நிறுவனம் தெரிவித்துள்ளது. ஊடக அறிக்கையின்படி, இதுவரை 7.5 கோடி ரூபாய் மதிப்புள்ள இந்த காரின் 165 யூனிட்டுகள் முன்பதிவு செய்யப்பட்டுள்ளன. இந்த எண்ணிக்கை நான்கு நாட்களில் எட்டப்பட்டுள்ளது. தற்போது வரை, டெல்லி மற்றும் மும்பையில் மட்டுமே ஸ்ட்ரோம் ஆர் 3 முன்பதிவு தொடங்கப்பட்டுள்ளது. ஆனால் விரைவில் மற்ற நகரங்களிலும் முன்பதிவு தொடங்கும். இதன் ஆரம்ப விலை ரூ .4.5 லட்சம் ஆகும்.
40 பைசாவில் 1 கி.மீ பயணம்
நகரத்திற்குள் தினமும் 10 முதல் 20 கிலோமீட்டர் சுற்றளவில் பயணிப்பவர்களுக்காக இந்த கார் உருவாக்கப்பட்டுள்ளது என்று நிறுவனம் தெரிவித்துள்ளது. மேலும், இந்த காரை இயக்குவதற்கான செலவு ஒரு கிலோமீட்டருக்கு 40 பைசா மட்டுமே என்று நிறுவனம் கூறியுள்ளது. இந்த கார் மூன்று வகைகளில் வெளிவரும் என்று தெரிவிக்கப்பட்டுள்ளது.
ALSO READ: Kia EV6: அசத்தும் அம்சங்களுடன் அறிமுகமாகிறது மின்சார கார், 18 நிமிடங்களில் 80% சார்ஜ்!!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
