புதுடெல்லி: நாட்டில் ஸ்லீப்பர் வசதியுடன் வந்தே பாரத் எக்ஸ்பிரஸ் ரயிலை தயாரிக்க ரயில்வே திட்டமிட்டுள்ளது. ஆனால் இந்த திட்டம் சிக்கலில் இருப்பதாக தெரிகிறது. இதற்காக இந்திய, ரஷ்ய நிறுவனங்களின் கூட்டமைப்பு ரூ.40,000 கோடிக்கு ஒப்பந்தம் பெற்றது. இதில் அரசு நிறுவனமான ரயில் விகாஸ் நிகாம் லிமிடெட் (RVNL) மற்றும் ரஷ்ய நிறுவனமான TMH குழுமம் (TMH Group) ஆகியவை அடங்கும். ஆனால் கவுரவ பிரச்சனை காரணமாக இரு நிறுவனங்களுக்கும் இடையே தகராறு ஏற்பட்டுள்ளது. RNVL அதிக பங்குகளை பெற முயற்சிப்பதாக ரஷ்ய நிறுவனம் கூறுகிறது. 120 முதல் 200 ஸ்லீப்பர் வந்தே பாரத் ரயில்களை வாங்க ரயில்வே டெண்டர் எடுத்துள்ளது. அதை TMH-RVNL வென்றது. ஆனால் ரயில்வே கூட்டமைப்புடன் சப்ளை செய்வதற்கான ஒப்பந்தத்தில் இன்னும் கையெழுத்திடவில்லை.
ரஷ்ய ரயில்கள் தயாரிப்பு நிறுவனமானTMH குழுமத்தின் அதிகாரி, RVNL கூட்டு நிறுவனத்தில் அதிக பங்குகளை எதிர்பார்க்கிறது என்று கூறினார். இது இரு நிறுவனங்களுக்கு இடையேயான ஒப்பந்தத்தை மீறிய செயலாகும். இந்த ஒப்பந்தத்தை இனி திரும்பப் பெற முடியாத நிலையில் உள்ளது. இந்த விவகாரம் குறித்து ரயில்வே துறை அரசு உயர் அதிகாரிகளிடம் நிறுவனம் எடுத்துச் சென்றுள்ளதாக அந்த அதிகாரி தெரிவித்தார். இரு பங்குதாரர் நிறுவனங்களுக்கு இடையே ஏற்பட்ட தகராறு காரணமாக ஒப்பந்தத்தில் கையெழுத்திடுவதில் தாமதம் ஏற்பட்டுள்ளதாக நிபுணர்கள் கூறுகின்றனர். ஏலம் எடுப்பதற்கு முன் இந்த நிறுவனங்களுக்கு இடையே ஒப்பந்தம் ஏற்பட்டது. அதன்படி, TMH குழுமத்தின் துணை நிறுவனமான Metrowagonmash (MWM) இந்த கூட்டமைப்பில் 70 சதவீத பங்குகளை வைத்திருக்கும். ரஷ்யாவின் ரயில் கட்டுப்பாட்டு உற்பத்தி நிறுவனமான LES ஐந்து சதவீத பங்குகளையும், RVNL 25 சதவீத பங்குகளையும் கொண்டிருக்கும்.
மேலும் படிக்க | ரயில் பயணிகள் கவனத்திற்கு! மேலும் 5 புதிய வழித்தடங்களில் வந்தே பாரத் ரயில்..!
குறைந்த அளவில் ஏலம்
TMH குழுமத்தின் இந்திய வணிகத் தலைவர் செர்ஜி மெட்வெடேவ் கூறுகையில், RVNL இப்போது 69 சதவீத பங்குகளை கோருகிறது. மெட்வெடேவ், இரு நிறுவனங்களும் ஒரு சட்டப்பூர்வ ஒப்பந்தத்தில் நுழைந்துள்ள நிலையில், அதை மாற்ற முடியாது என்று கூறினார். ரயில்களை தயாரிப்பதில் TMH பரந்த அனுபவத்தைக் கொண்டுள்ளது என்றும் அவர் கூறினார். நிறுவனம் கூட்டு முயற்சியை வழிநடத்தும் நிலையில் உள்ளது. இது தொடர்பான கேள்விகளுக்கு RVNL மற்றும் ரயில்வே பதிலளிக்கவில்லை. வந்தே பாரத் திட்டத்திற்கு தேவையான பெரும்பாலான உபகரணங்கள் இந்தியாவில் மட்டுமே உள்ளன என்று மெத்வதேவ் கூறினார். சப்ளையர்கள் அடையாளம் காணப்பட்டு அவர்களுடன் நீண்ட கால ஒப்பந்தங்கள் போடப்பட்டுள்ளன.
இந்திய ரயில்வேயின் டெண்டர் அறிவிப்பு
வந்தே பாரத் ரயில் பெட்டிகளை வழங்குவதற்கான டெண்டரை 2022 டிசம்பரில் ரயில்வே அறிவித்தது. இது மார்ச் மாதம் திறக்கப்பட்டது. TMH-RVNL ஒரு ரயிலுக்கு ரூ.120 கோடி என்ற குறைந்த அளவிலான டெண்டரை மேற்கோள் காட்டியது. இது தவிர BHEL-Titagarh, BEML-Siemens, Alstom Transport மற்றும் Medha Servo Drives-Stadler Rail ஆகிய நிறுவனங்களும் டெண்டரில் பங்கு எடுத்தன. நாட்டில் தற்போது இயக்கப்படும் வந்தே பாரத் எக்ஸ்பிரஸ் ரயில்களில் நாற்காலி கார் வசதி உள்ளது. தற்போது அவை சதாப்தி பாதையில் இயக்கப்படுகின்றன. ஆனால் ஸ்லீப்பர் வந்தே இந்தியா வந்த பிறகு, அதை ராஜ்தானி பாதையில் இயக்க திட்டம் உள்ளது.
மேலும் படிக்க | இந்திய ரயில்வேயின் மிக நீண்ண்ண்ட ரயில்... பெட்டிகளை எண்ணியே டயர்டாயிடும்...!!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
