இரவு தூக்க சென்ற பின், காலையில் புத்துணர்ச்சியுடன் எழுந்திரிக்கவே பலர் விரும்புகின்றனர். இருப்பினும், பலருக்கு காலையில் அதிக தலைவலி ஏற்படுகிறது. இது அந்த நாள் முழுவதும் எந்த வேலையும் செய்ய விடமால் தொந்தரவாக அமைகிறது. மோசமான தலைவலி நாள் முழுவதும் நண்பர்கள் மற்றும் குடும்பத்தினருடன் பேசி பழகுவதை கெடுத்துவிடுகிறது. எனவே, இதற்கான காரணங்களை கண்டறிந்து முடிவுக்குக் கொண்டுவருவது அவசியம். பொதுவாக தலைவலி, டென்ஷன் அல்லது ஸ்ட்ரெஸ் மூலம் ஏற்படுகிறது. தலைவலி ஏன் ஏற்படுகிறது என்பதை தெரிந்து கொண்டாலே அதனை எளிதாக சரி செய்யலாம்.
மன அழுத்தம் - மன அழுத்தம், பதற்றம் ஏற்படுவது தலைவலிக்கான பொதுவான காரணங்களாகும், இது தலையின் இருபுறமும் வலியை ஏற்படுத்துகிறது. இந்த தலைவலி பெரும்பாலும் தசை பதற்றம் காரணமாக ஏற்படுகிறது. இது தலையின் இருபுறமும் வலியை உண்டாக்குகிறது. மன அழுத்தம் ஏற்படுவதால் தோள்பட்டை மற்றும் கழுத்தில் தசைகள் இறுக்கமடைகிறது.
தூக்கமின்மை - சரியான தூக்கமின்மை கடுமையான தலைவலி, பதற்றம் ஆகியவற்றுடன் தொடர்புடையது. தினசரி நன்றாக தூங்கி எழுவது அடிக்கடி தலைவலி உள்ளவர்களுக்கு, நல்ல நிவாரணத்தை அளிக்கும். தூக்கமின்மையால் மூளையில் நரம்பியல் பிளாஸ்டிசிட்டி குறைவதால் தலைவலி ஏற்படலாம் என்று ஆராய்ச்சி கூறுகிறது. சரியாக தூங்கவில்லை என்றால், மூளை ஓய்வெடுப்பதற்கும், தன்னைத்தானே சரிசெய்வதற்கும் போதுமான நேரம் இல்லை. இது ஒழுங்குபடுத்தப்பட்ட நரம்பு வலிகளுக்கு வழிவகுக்கிறது, இதன் விளைவாக தலைவலி ஏற்படுகிறது.
ஹார்மோன் - தலைவலியால் அவதிப்படுபவர்களுக்கு ஈஸ்ட்ரோஜன் அளவுகளில் சில மாற்றங்கள் ஏற்படும். குறிப்பாக, பெண்களிடம் மாதவிடாய் சுழற்சிகள் இளம் பெண்களில் தலைவலியுடன் பிணைக்கப்பட்டுள்ளன, மேலும் வயதானவர்களுக்கு மாதவிடாய் நிறுத்தம் ஒரு தூண்டுதலாக இருக்கலாம். கருப்பை நீக்கம் செய்யும் போது பெண்களுக்கு அதிக தலைவலி ஏற்பட வாய்ப்புள்ளது.
ஆல்கஹால் - மது அருந்துவது ஒருவிதமான தலைவலியை உண்டாக்குகிறது. ஒரு சிலருக்கு, ஒயின் குடிப்பதும் தலைவலியை ஏற்படுத்தும். இருப்பினும் எல்லா வகையான மதுபானமும் ஒரு விதமான தலைவலியை ஏற்படுத்தலாம். 100 சதவீதம் ஆல்கஹால் தான் காரணமா இல்லை அதனுடன் சேர்த்து குடிக்கப்படும் மற்ற பானங்கள் காரணமா என்பது பற்றிய தெளிவான காரணங்கள் இல்லை. பலருக்கு, மது அருந்துவது ஒற்றைத் தலைவலி அல்லது கடுமையான தலைவலியை ஏற்படுத்தும். ஒயின் குடிப்பதால் பலர் மோசமான தலை வலியை அனுபவிப்பதாக கூறப்படுகிறது.
ஆல்கஹால் ஹிஸ்டமைன் என்ற வேதிப்பொருளைக் கொண்டுள்ளது, இது உங்கள் நோயெதிர்ப்பு மண்டலத்தைத் தூண்டி வீக்கத்தை ஏற்படுத்துகிறது, இது தலைவலிக்கு வழிவகுக்கிறது. ஆல்கஹாலின் முக்கிய மூலப்பொருளான எத்தனால் தலைவலியை தூண்டும் இரசாயனங்களாக மாற்றப்படுகிறது. எத்தனால் ஒரு டையூரிடிக் என்பதால், இயல்பை விட அதிகமாக சிறுநீர் கழிக்க செய்கிறது. இதனால் நீரிழப்பு காரணமாக ஒற்றை தலைவலியை ஏற்படுகிறது.
தலைவலி அல்லது டென்ஷன் தலைவலிக்கான முக்கிய காரணங்களில் ஒன்றாக பசியும் இருப்பதால், பல சமயங்களில் சரியாக சாப்பிடவில்லை என்றாலும் தலைவலி ஏற்படுகிறது. இருப்பினும், சில உணவுகளை சாப்பிடுவது தலைவலியை ஏற்படுத்தும். பீன்ஸ், நட்ஸ், வெண்ணெய், வாழைப்பழங்கள், சீஸ், சாக்லேட், சிட்ரஸ், ஹெர்ரிங், பால் பொருட்கள் மற்றும் வெங்காயம் போன்ற பல உணவுகள் தலைவலியை ஏற்படுத்தலாம். மேலும், நைட்ரைட்டுகள், மஞ்சள் உணவு அல்லது மோனோசோடியம் குளுட்டமேட் கொண்ட பதப்படுத்தப்பட்ட உணவுகள் சிக்கலை ஏற்படுத்தும்.
மேலும் படிக்க | ஆயுளை நீட்டிக்கும் நார்ச்சத்து! கரையாத நார்ச்சத்தும் கரையும் ஃபைபர் சத்தும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
