தமிழ் திரையுலகை தாண்டி தென்னிந்திய அளவில் பெரிய நடிகைகளாக இருப்பவர்கள், நயன்தாராவும் திரிஷாவும். பல புது நாயகிகள் வந்து விட்டாலும், இவர்களின் இடத்தை யாராலும் பிடிக்க முடியவில்லை.
டாப் நடிகைகள்:
தென்னிந்திய அளவில், அதிகம் சம்பளம் வாங்கும் நடிகைகளாகவும் டாப் நடிகைகளாகவும் விளங்குபவர்கள் த்ரிஷா-நயன்தாரா. கடந்த 15-20 ஆண்டுகளாக இவர்கள்தான் தமிழ் திரையுலகில் முன்னணி நடிகர்களுக்கு ஜாேடியாக நடித்து வருகின்றனர். ஆரம்பத்தில் துணை நடிகையாக வந்த இவர்கள் இப்போது பெரும்பாலான முன்னணி நடிகர்களுடன் நடித்த நாயகிகளாக இருக்கின்றனர்.
தமிழ் மட்டுமின்றி தெலுங்கு, மலையாளம் ஆகிய படங்களிலும் இருவரும் நடித்துள்ளனர். இவருடன் திரையுலகிற்குள் அறிமுகமான பெரும்பாலான நடிகைகள் அண்ணி, அக்கா ரோல்களுக்கு சென்று விட இவர்கள் இன்னும் நாயகிகளாக நடித்து வருகின்றனர். ஆனால் இவருக்கு அடுத்து வந்த புது நடிகை ஒருவர் சம்பளத்தில் இவர்களை முந்தியுள்ளார். அவர் யார் தெரியுமா?
புது நடிகை:
கன்னட படங்கள் அறிமுகமாகி இப்போது பாலிவுட்டிலும் கலக்கி வருபவர், ராஸ்மிகா மந்தனா. தெலுங்கில் வெளியான டியர் காம்ரேட், கீதா கோவிந்தம் ஆகிய படங்கள் மூலம் தென்னிந்திய அளவில் பிரபலமான இவர், பின்னர் அனைவருக்கும் நேஷனல் கிரஷ் ஆகவும் மாறினார். சமீபத்தில் வெளியான அனிமல் படத்தில் கீதாஞ்சலி எனும் கதாபாத்திரத்தில் நடித்திருந்தார். தமிழிலும் சுல்தான், வாரிசு உள்ளிட்ட படங்களில் நடித்திருக்கிறார். நடித்த இரண்டு படங்களுமே பெரிய ஹீரோக்களின் படங்களாகும். இதனால் இவருக்கு தமிழிலும் ரசிகர் கூட்டம் உண்டு. இந்த நிலையில் தான் இவரது சம்பளம் குறித்த தகவல் வெளியாகி இருக்கிறது.
மேலும் படிக்க | சன் டிவி சீரியலில் அதிக சம்பளம் வாங்கும் நடிகை யார் தெரியுமா?
வாங்கும் சம்பளம்:
திரிஷாவும் நயன்தாராவும் பல ஆண்டுகளாக திரையுலகில் இருந்தாலும் அவர்கள் குறிப்பிட்ட தொகையை தான் பல நாட்களாக சம்பளமாக வாங்கி வருகின்றனர். சமீப காலமாகத்தான் இருவரும் சம்பளத்தை உயர்த்தி இருக்கின்றனர். நடிகை திரிஷா ஒரு படத்திற்கு 10 முதல் 12 கோடி வரை சம்பளம் வாங்குவதாக கூறப்படுகிறது. நயன்தாராவும் ஒரு படத்திற்கு 12 கோடி வரை சம்பளம் வாங்குகிறாராம். இதை தூக்கி சாப்பிடும் அளவிற்கு இருக்கிறது ராஷ்மிகா மந்தனாவின் சம்பளம்.
ஏ.ஆர்.முருகதாஸ் இயக்கத்தில் சல்மான் கான் நடிக்க இருக்கும் படம் சிக்கந்தர். இந்த படத்தில் ராஷ்மிகா மந்தனா ஹீரோயினாக நடிப்பதாக கூறப்படுகிறது. இதில் நடிக்க அவர் சுமார் 15 கோடி வரை சம்பளம் கேட்டுள்ளதாகவும் அந்த தொகை அவருக்கு சம்பளமாக வழங்கப்பட உள்ளதாகவும் கூறப்படுகிறது. இது குறித்த அதிகாரப்பூர்வ தகவல்கள் எதுவும் வெளியாகவில்லை என்பது குறிப்பிடத்தக்கது. புதிதாக வந்த ஒரு நடிகை, 20 வருடங்களுக்கும் மேலாக திரையுலகில் இருக்கும் இருவரை சம்பளத்தில் முந்தியுள்ளதை ரசிகர்கள் ஆச்சரியமாக பார்த்து வருகின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
