வலிமையை ஓவர் டேக் செய்ய விஜய் டிவி களமிறக்கும் ஹிட் படம்

மே 1 ஆம் தேதி வலிமை படத்தை டிஆர்பியில் ஓவர்டேக் செய்ய விஜய் டிவி மாநாடு படத்தை திரையிட உள்ளது.

நடிகர் அஜித்குமாரின் பிறநாளையொட்டி மே 1 ஆம் தேதி ஜீ தமிழ் தொலைகாட்சியில் ‘வலிமை’ திரைப்படம் திரையிடப்பட உள்ளது. ஜனவரியில் ரிலீஸான திரைப்படம் 3 மாதங்களில் டிவியில் ஒளிபரப்பப்படுவதால், இப்படத்தைக் காண ரசிகர்கள் ஆர்வமாக உள்ளனர். மேலும், இப்போதே வலிமை படத்துக்கான தொலைக்காட்சி விளம்பரங்கள் சமூகவலைதளங்களில் றெக்கை கட்டி பறக்கின்றன. 

இதனால், ஜி தமிழ் தொலைக்காட்சியின் டி.ஆர்.பி தாறுமாற இருக்கும் என்பதால், அதனை தங்களுக்கு சாதகமாகவும் பயன்படுத்திக் கொள்ள தமிழின் முன்னணி தொலைக்காட்சிகள் திட்டமிட்டுள்ளன. ஏற்கனவே விஜய் டிவி அஜித் குமாரின் பிறந்தநாளையொட்டி ஸ்பெஷல் ஷோவுக்கு ஏற்பாடு செய்துள்ளது. அதில் அஜித்குமாருடன் நடித்த திரைப்பிரபலங்கள் மற்றும் முன்னணி நடிகர்கள் பங்கேற்று தங்களின் அனுபங்களை பகிர்ந்து கொள்ள உள்ளனர். 

இப்போது மேலும் ஒரு சர்பிரைஸை ரசிகர்களுக்கு கிடைத்துள்ளது. வலிமை திரைப்படம் ஒளிபரப்பாகும் அதேநேரத்தில் அண்மையில் ரிலீஸாகி ஹிட் அடித்த திரைப்படத்தை ஒளிபரப்பவும் முடிவு செய்துள்ளது. நடிகர் சிம்பு நடிப்பில், வெங்கட் பிரபுவின் இயக்கத்தில் வெளியாகி பெரிய ஹிட் அடித்த ’மாநாடு’ திரைப்படம் வலிமைக்கு போட்டியாக களமிறக்கப்பட உள்ளது. இதனால், கணிசமாக டி.ஆர்.பி ரேட்டிங் தங்கள் பக்கம் திரும்பும் என்று விஜய் டிவியின் கணக்காக உள்ளது.

சன்டிவி நடிகர் சூர்யா நடிப்பில் வெளியான எதற்கும் துணிந்தவன் திரைப்படத்தை திரையிட உள்ளதாம். இதனால், மூன்று படங்களில் எந்தப் படத்தை பார்ப்பது என ரசிகர்கள் குழப்பத்தில் உள்ளனர். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR