Astonishing Astronomer: நாசாவுக்காக 7 சிறுகோள்களை கண்டுபிடித்த 7 வயது இளம் வானியலாளர்

ஏழு சிறுகோள்களைக் கண்டுபிடித்த ஏழு வயது சிறுமி நிக்கோல் ஒலிவேரா, உலகின் இளைய வானியலாளராக தேர்வு செய்யப்பட்டுள்ளார்.

Written by - ZEE Bureau | Edited by - Malathi Tamilselvan | Last Updated : Jul 27, 2021, 07:34 PM IST
  • நாசாவுக்காக 7 சிறுகோள்காளை கண்டுபிடித்த 7 வயது இளம் வானியலாளர்
  • இரண்டு வயதிலேயே அவரது அறிவாற்றல் வெளிப்பட்டது
  • CEAAL அறிவியல் அமைப்பின் இளைய உறுப்பினர் நிக்கோல் ஒலிவேரா
Astonishing Astronomer: நாசாவுக்காக 7 சிறுகோள்களை கண்டுபிடித்த 7 வயது இளம் வானியலாளர்

ஏழு சிறுகோள்களைக் கண்டுபிடித்த ஏழு வயது சிறுமி நிக்கோல் ஒலிவேரா (Nicole Oliviera), உலகின் இளைய வானியலாளராக தேர்வு செய்யப்பட்டுள்ளார்.விண்வெளி மற்றும் வானியல் மீதான விருப்பம் நிக்கோல் இரண்டு வயதாக இருந்தபோது வெளிப்பட்டது.

சர்வதேச வானியல் தேடல் (International Astronomical Search Collaboration) மற்றும் நாசா இணைந்து நடத்தும் ‘சிறுகோள் வேட்டை’ குடிமக்கள் அறிவியல் திட்டத்தில் (citizen science programme) நிக்கோல் ஒலிவேரா பங்கேற்றார்.

இரண்டு வயதாக இருக்கும்போது நட்சத்திரத்தை வாங்கித் தருமாறு தன் அம்மாவிடம் கேட்டார். அப்போதுதான் அவரது அறிவியல் ஆர்வம் வெளிப்படத் தொடங்கியது. அப்போது மகளுக்கு பொம்மை நட்சத்திரம் ஒன்றை வாங்கித் தந்தாலும், குழந்தைக்கு உண்மையில் என்ன தேவை என்பதை அம்மா கண்டுபிடித்தார். அதன் பிறகு, ஒலிவேராவின் அறிவியல் வேட்கைக்கு தீனி கிடைக்கத் தொடங்கிவிட்டது.

Read Also | ‘உங்களை நினைத்து நாடு பெருமை கொள்கிறது’: பவானி தேவிக்கு பிரதமர் ஆறுதல்

சமீபத்தில் பிரேசிலிய அறிவியல், தொழில்நுட்பம் மற்றும் புதுமையின் வானியல் மற்றும் வானியல் தொடர்பான முதலாவது சர்வதேச கருத்தரங்கில் பேசுமாறு ஒலிவேரா கேட்டுக்கொள்ளப்பட்டார்.

ஒலிவேரா தனது வயதுக்கும் மீறிய அறிவாற்றலால், ஏற்கனவே பல பள்ளிகளில் விரிவுரைகளை வழங்கப் பழகிவிட்டார். அனுபவம் வாய்ந்த அறிவியலாளர்களுடன் பேசி, பல விஷயங்களை கற்றுக் கொள்ளும் வாய்ப்பும் இந்த சுட்டி வானியாலாளருக்கு கிடைத்திருக்கிறது.

ஆலிகோவாஸ் வானியல் ஆய்வு மையத்தின் சென்ட்ரோ டி எஸ்டுடோஸ் அஸ்ட்ரோனாமிகோ டி அலகோவாஸ் (Alagoas Astronomical Studies Center, Centro de Estudos Astronômico de Alagoas (CEAAL)) இன் இளைய உறுப்பினர் நிக்கோல் ஒலிவேரா என்பதும் 7 வயது சிறுமியின் அறிவியல் அறிவுக்கு சான்று.   

Also Read | ஒலிம்பிக் போட்டிகளில் ஆணுறைகள் மற்றும் செக்ஸ் விழிப்புணர்வு

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, இப்போதே ஜீ இந்துஸ்தான் பயன்பாட்டைப் பதிவிறக்குங்கள்.

Android Link - https://bit.ly/3hDyh4G

Apple Link - https://apple.co/3loQYeR

More Stories

Trending News