Kiki Challenge-னை வித்தியாசமாக கையாளும் கேரளா காவல்துறை!

Kiki Challenge-னால் ஏற்படும் விபரீதத்தினை மக்களுக்கு தெரியபடுத்தும் விதமான நகைச்சுவை வீடியோ ஒன்றினை கேரளா காவல்துறை வெளியிட்டுள்ளது!

Mukesh M முகேஷ் | Updated: Aug 8, 2018, 04:57 PM IST
Kiki Challenge-னை வித்தியாசமாக கையாளும் கேரளா காவல்துறை!

Kiki Challenge-னால் ஏற்படும் விபரீதத்தினை மக்களுக்கு தெரியபடுத்தும் விதமான நகைச்சுவை வீடியோ ஒன்றினை கேரளா காவல்துறை வெளியிட்டுள்ளது!

பிரபல பாப் பாடகர் டார்க்கியின் 'In my feelings' என்னும் பாடல் தொடர்பான சவால்கள் இணைய பிரியர்களை தற்போது சுண்டி இழுத்துள்ளது. பாப் பாடகர் டார்க்கியின் Scorpion என்னும் இசை ஆல்பம் கடந்த மாதம் வெளியானது. இந்த இசை கோப்பில் இடம்பெற்றுள்ள 'In my feelings' என்னும் பாடல் ரசிகர்களிடம் நல்ல வரவேற்பை பெற்றது. 

இதனை தொடர்ந்து இந்த பாடலுக்கு தொடர்பாகும் வகையில் "Kiki Challenge" அல்லது "In my feelings challenge" என்னும் பெயரில் இணையத்தில் ரசிகர்கள் புது சவால் ஒன்றினை அறிமுகம் செய்தனர். அதாவது... இந்த பாடலினை வாகனத்தில் ஒலிக்க வைத்துவிட்டு வாகனத்தை விட்டு வெளியே வந்து நடனமாடிக்கொண்டு வானத்தின் வேகத்திற்கு ஈடு கொடுக்க வேண்டும் என்பது தான்.

இந்த சவாலினை பிரபலங்கள் பலரும் முன்னெடுத்து செய்து வரும் நிலையில், இணைய ரசிகர்கள் சிலர் பழைய பாடல்களுக்கு இந்த Kiki பாடலின் ஒலியினை பின்இணைத்து பரப்பி வருகின்றனர்.

இந்நிலையில் இந்த சவாலினால் ஏற்படும் விபரீதத்தினை மக்களுக்கு தெரியபடுத்தும் வகையில், கேரளா காவல்துறையினர் நகைச்சுவையான வீடியோ ஒன்றினை வெளியிட்டுள்ளனர்.