காட்டு ராஜா என அழைக்கப்படும் சிங்கம், ஒரு சாதாரண கீரியிடம் பயந்துபோனால் அந்த வீடியோ வைரல் லிஸ்டில் இடம் பெறாமல் இருக்குமா?. கர்ஜணையும், பிடரி மயிறுடன் வரும் சிங்கத்தை பார்த்தால் நமக்கு வேண்டுமானால் பயமாக இருக்கலாம். ஆனால், காட்டில் வாழும் கீரிகளுக்கு அந்த பயம் இருக்கும் என நாம் கருதிக் கொள்ளக்கூடாது. உருவம் பெரியதோ... சிறியதோ... மனதில் இருக்கும் தைரியத்தை வைத்தே ஒருவரின் ஆளுமை அடையாளப்படுத்தப்படுகிறது. சிங்கத்தின் கட்டுமஸ்தான ராஜாங்க உடலை வைத்து எல்லோரும் ராஜா என கூறிவிட்டால் போதுமா? வீடியோவில் சாதாரண கீரி ஒன்று காட்டு ராஜா சிங்கத்தை அலற வைக்கிறது. பயம்படாது என நினைத்தால் கீரியின் ஒவ்வொரு சீற்றத்துக்கும் ஒரு அடி பின்னோக்கி செல்கிறது சிங்கம்.
டிவிட்டரில் ஆபிரிக்கன் அனிமல்ஸ் என்ற பக்கத்தில் பகிரப்பட்டிருக்கும் அந்த வீடியோவில் இரண்டு சிங்கங்களுக்கு நடுவே கீரி இருக்கிறது. இதனால் கீரி மாட்டிக் கொண்டது என நினைத்துவிடாதீர்கள். அந்த சிறிய கீரியின் சீற்றத்தைப் பார்த்து இரண்டு சிங்கங்களும் அலறுகின்றன. சிங்கம் தன்னை தாக்க வந்துவிடுமோ என எண்ணி, கடுஞ்சீற்றத்தை காண்பிக்கிறது கீரி. வேகமாக ஓடி சிங்கத்தையும் கடிக்கிறது. இதனால் அலறிப் போன சிங்கம் கீரியின் தாக்குதலில் இருந்து தப்பித்து கொள்ள வேண்டுமென பின்னாடியே நகர்ந்து செல்கிறது. கீரி தாக்க வரும்போதெல்லாம் கர்ஜிக்க தொடங்கினாலும், கீரி துளியும் பயப்படவில்லை.
— African animals (@AfricanimaIs) July 22, 2021
மாறாக துரத்தி துரத்தி சீங்கத்தை கடிக்கிறது. பயந்துபோன சிங்கம் நமக்கு ஏன்டா வம்பு என்றபடி ஒதுங்கி செல்கிறது. காட்டு ராஜா என அழைக்கப்படும் சிங்கம் இரண்டு இருந்தும் கீரி பயப்படவில்லை. மாறாக அவை இரண்டும் பயப்பட்டு கீரியிடம் கடி வாங்க கூடாது என ஓடுகின்றன. ஆப்பிரிக்கன் அனிமல்ஸ் டிவிட்டர் பக்கத்தில் மட்டும் சுமார் 70 ஆயிரத்துக்கும் மேற்பட்ட பார்வைகளை இந்த வீடியோ பெற்றிருக்கிறது. பலரும் இந்த வீடியோவை வெகுவாக ரசித்திருக்கின்றனர். எவ்வளவு பெரிய எதிரி நம் முன்னால் இருந்தாலும், நம்மிடம் இருக்கும் தைரியத்தை முழுமையாக காட்டும்போது யாராக இருந்தாலும் நடுங்கிப்போவார்கள் என்பதை இந்த வீடியோ காட்டுவதாக நெட்டிசன்கள் கமெண்ட் அடித்துள்ளனர்.
மேலும் படிக்க | மறிமானை விழுங்கிய 65 கிலோ ராட்சத மலைப்பாம்பு: வைரல் வீடியோ
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
